Tiqran Abramyan: Hakimiyyətin yeganə məqsədi hər vəchlə qələbə elan etmək idi – ÖZƏL

Olaylar.az xəbər verir ki, Ermənistan Respublika Partiyasının müxalif deputatı Tiqran Abramyan hakimiyyətin seçki məntəqələrinin 80 faizində səslərin hələ hesablanmadığı bir vaxtda, gecə yarısı təcili brifinq təşkil etməsini kəskin tənqid edib. O bildirib ki, prosesin icraçılarının yeganə məqsədi qanuni və ya qanunsuz yollarla qələbəni elan etmək olub, buna görə də qalan məntəqələrdəki nəticələr onları maraqlandırmayıb. 

Hazırda Mərkəzi Seçki Komissiyası 2005 məntəqədən 1980-nin nəticələrini açıqlayıb. Mövcud rəqəmlərə əsasən, "Mülki Müqavilə" partiyası 49,85%, "Güclü Ermənistan" bloku 23,34%, "Ermənistan" bloku isə 9,96% səs toplayıb. "Çiçəklənən Ermənistan" partiyası isə 4,97% səslə barajın astanasında qalıb. Əgər ciddi dəyişiklik olmasa, yeni parlamentdə yalnız üç siyasi qüvvə təmsil olunacaq.