Kreml onminlərlə seçicini Ermənistana göndərir – ŞOK açıqlamalar

"Bir neçə gündür ki, müxtəlif hökumət nümayəndələri, Ermənistana gəlməyə hazırlaşan həmvətənlərimizi təkcə seçkilərdə iştirak etmək üçün deyil, həm də müxtəlif tədbirlər, sevinc, kədər və ya tətil üçün təhdid etməyə başlayıblar. Rusiyadan Ermənistana gələn hər kəs 25 günlük təlim düşərgələrinə aparılmalıdır".

Musavat.com bildirir ki, bu fikirləri "Ermənistan" Milli Partiyasının deputatı Geqam Manukyan öz feysbuk səhifəsində yazıb. O, xüsusilə qeyd edib:

"Hökumət öz mesajı ilə bütün soydaşlarımızı qorxutmağa çalışır və deyir ki, "Ermənistana gəlməyə cəsarət etməyin, əks halda sizi 25 günlük təlim düşərgələrinə aparacağıq".

Ermənistanın "Fakt" qəzeti də bu barədə yazmağa başlayıb: "Paşinyan və onun hökuməti seçki proseslərinə nəzarət etmək üçün gündəlik olaraq yeni "metodlar" tapırlar. Xüsusilə, "fırıldaqçılardan" biri, 7 iyunda Rusiyadan Ermənistana səs vermək üçün 100 mindən çox Ermənistan vətəndaşının gələcəyinə dair məlumata istinad edərək bildirib ki, "100 min nəfərdən 30-40 minini təlim düşərgələrinə göndərəcəyik". Gəlin, bu hakimiyyət orqanlarının ordunu, xidməti və hərbi təlimləri artıq on beşinci dəfədir ki, cəza kimi təqdim etməsini bir kənara qoyaq. Belə bir açıqlamanın əslində birbaşa təhdid və ya "zorbalıq" olmaması daha diqqətəlayiqdir. Əldə etdiyimiz məlumata görə, hakimiyyət orqanlarının əslində belə bir qərarı var, üstəlik, onlar artıq bu prosesə başlayıblar, yəni Rusiyadan Ermənistana qayıdan 55 yaşdan kiçik Ermənistan vətəndaşlarını dərhal 25 günlük hərbi təlimlərə "dəvət edirlər". Bunun məqsədi, birincisi, bu insanların "nəzarətləri" altında səsvermədə iştirak etməsini təmin etmək, ikincisi, Ermənistan vətəndaşlarını 7 iyun tarixinə qədər Ermənistana girməsinin qarşısını almaq və qorxutmaqdır".

Yeri gəlmişkən, bloger Natali Aleksanyan da bu haqda məlumat yayıb. Onun sözlərinə görə, rüşvət müqabilində səs vermək üçün Rusiyadan Ermənistana gələnlər artıq hüquq-mühafizə orqanlarının əməkdaşları tərəfindən qarşılanırlar, onlardan bəziləri saxlanılıb.

"Ermənistan hüquq-mühafizə orqanları əıməkdaşlarının əllərində Rusiyada seçki rüşvəti alanların dəqiq siyahıları var. Rusiyadan gələn və seçki rüşvəti aldığı sübut edilməyən şəxslər dərhal 25 günlük təlim düşərgələrinə göndərilirlər", - Aleksanyan bildirib.

Göründüyü kimi, müxalifət Rusiyadan ermənilərin səs vermək üçün gəlişini fərqli təqdim edir. Onların təlim düşərgələrinə göndərilməsi hüquqlarının pozulması kimi dəyərləndirilir.

İqtidara yaxın bloger Aleksanyan isə iddia edir ki, həmin ermənilər Rusiyada rüşvət alıb, təlimatlandırılaraq Ermənistana göndəriliblər. Yəni məqsəd Rusiyadakı ermənilərin seçkilərdə müxalifətə səs verməsidir.

Hazırda Moskva Paşinyanın məğlubiyyəti üçün bütün siyasi-iqtisadi, inzibati resurslarını işə salaraq təzyiqləri artırır. Moskva bir yandan erməni məhsullarının idxalına qadağa qoyur, digər tərəfdən Rusiyadakı erməniləri səsverməyə göndərir, eyni zamanda, Kreml rəsmiləri İrəvandan Avrasiya İqtisadi Birliyi ilə bağlı qərar qəbul etməyi tələb qoyur.