Serbiya veto hüququ və Avropa Komissarı olmadan Aİ-yə daxil olmağa hazırdır- ÖZƏL

Serbiya Avropa İttifaqına (Aİ) üzv olmaq üçün veto hüququndan və Avropa Komissarı vəzifəsindən imtina etməyə hazır olduğunu bəyan edib. Olaylar.az xəbər verir ki, bu barədə ölkə Parlamentinin sədri Ana Brnabiç Praqada keçirilən "Globsec Forum" təhlükəsizlik konfransında çıxışı zamanı bildirib. O qeyd edib ki, Belqrad təşkilata problem və maneələr yaratmaq üçün qoşulmur:
"Bizə veto lazım deyil. Bizə komissar lazım deyil. Ümid edirik ki, gələcəkdə komissarların sayı azalacaq və bu, Avropa administrasiyasını daha səmərəli edəcək. Biz Avropanı siyasi, iqtisadi və strateji cəhətdən daha güclü edəcəyimizə inanırıq."
Qeyd edək ki, hazırda Serbiya ilə yanaşı daha 8 ölkə Aİ üzvlüyünə namizəd statusuna malikdir. Brüssel Belqradın ittifaqa daxil olması üçün ondan tanınmamış Kosovonun müstəqilliyini faktiki qəbul etməsini tələb edir.