Sərhəddə narahatlıq var, qüvvələrimizi yeniləyirik – Asryan

"Hazırda sərhəddə vəziyyət sabitdir, lakin vətəndaşlar arasında hələ də narahatlıq var". 

Olaylar.az xəbər verir ki, bunu Ermənistanın Baş Qərargah rəisi Edvard Asryan deyib.

O, İrəvanın Azərbaycan rəsmilərinin bəyanatlarını diqqətlə izlədiyini bildirib:

"İndi sərhəddə sabitlik qorunur. Azərbaycan Silahlı Qüvvələrinin sərhəd xəttində toplanması müşahidə olunmur. Amma vətəndaşlar arasında yenə də narahatlıq var  ki, bunun olması təbiidir. Çünki onların mövqeləri hələ də ərazimizə yaxın yerləşir. Azərbaycanın müdafiə nazirinin bəyanatlarını izləyirik, lakin bu, müharibə ehtimalı üçün əməliyyatların dəyərləndirilməsi prosesinin kiçik bir hissəsidir. Sərhəd xətti boyunca qüvvələrimizin yenilənməsi davam etdirilir". (globalinfo.az)