Ermənistan prezidenti Azərbaycanla sərhədlərin delimitasiyası üzrə dövlət komissiyalarının fəaliyyətinə dair reqlamenti imzalayıb

Ermənistan prezidenti Vaaqn Xaçaturyan Azərbaycanla sərhədlərin delimitasiyası üzrə komissiyaların fəaliyyəti ilə bağlı reqlamenti imzalayıb.

Olaylar bu barədə Ermənistan KİV-ə istinadən xəbər verir.

"Ermənistan parlamenti tərəfindən 23 oktyabr tarixində qəbul edilən Ermənistan-Azərbaycan Sərhədlərinin Delimitasiyası və Demarkasiyası üzrə Komissiyaların Reqlamenti haqqında qanun layihəsi, Ermənistan və Azərbaycan dövlət komissiyalarının sərhədin delimitasiyası üzrə fəaliyyətini tənzimləyir", - Ermənistan prezidentinin rəsmi saytında qeyd edilib.

Qeyd edək ki, reqlamentin lehinə 67 deputat səs verib, əleyhinə və bitərəf qalan olmayıb.