Ədalətsizliyin və vicdansızlığın rəmzi sayıla biləcək bir sənəd - ÖZƏL

"Avroparlamentarilərin qətnaməsi ədalətsizliyin və vicdansızlığın rəmzi sayıla biləcək bir sənəddir".

"OLAYLAR" xəbər verir ki, bu fikirləri Azərbaycan Həmrəylik Komitəsinin sədri Əlisahib Hüseynov səsləndirib. O bildirib ki, ancaq eyni zamanda sözügedən qətnamə heç bir hüquqi qüvvəsi olmayan bir kağız parçasıdır:

"Sadəcə kağız parçası. Biz bu qətnaməyə məhz belə yanaşırıq. Və təbii ki, müasir "səlibçilik" ruhunda tərtib olunmuş bu cür anti-Azərbaycan səpkili qətnamələr rəsmi Bakının siyasi iradəsinə əsla təsir göstərə bilməz".

Komitə sədri deyib ki, Azərbaycan ermənipərəst avroparlamentarilərin qərəzli çağırışları və təkliflərinə görə geri çəkilən, öz haqq yolundan dönən deyil.