Rusiyanın yeni oyunçuları Azərbaycan üçün baş ağrısına çevriləcək - ÖZƏL
Ermənistanda daxili siyasi vəziyyət hər ötən gün daha da gərgin xarakter alır. Ölkə ictimaiyyətinin Qərb və Rusiyapərəsətlər arasında bölünməsi tezliklə Ermənistanda hakimiyyət dəyişikliyinin baş verəcəyi ehtimallarını artırıb.
"OLAYLAR"-ın xəbərinə görə, Ermənistanda baş verənlərə diqqət çəkən siyasi ekspert Çingiz Şahbazi deyib ki, əslində Paşinyanın hakimiyyətdən getməsi Azərbaycan üçün də o qədər yaxşı əlamət sayıla bilməz. Çünki, o artıq sonu məlum olmayan Rusiyanın çirkin planlarına və siyasətinə xalqının və ölkəsinin gələcəyini qurban vermək istəmir:
"Məhz bu səbəbdən Azərbaycanın yarım qalan problemlərini də bununla həll etməyə çalışmaq lazımdır. Əks təqdirdə Rusiyanın yeni oyunçuları bizə gələcəkdə sözün əsl mənasında baş ağrısına çevriləcəklər".