Ermənilər prezident İlham Əliyevin mesajından nəticə çıxarmalıdır - ÖZƏL

"Prezident İlham Əliyev Laçında erməni separatçılarına və Rusiyaya  separatizmin və "Miatsum" bədnam ideologiyanın kitabının  bağlandığını açıq şəkildə bəyan etdi. Bununla da prezident Xankəndində istənilən vaxt nəzarəti bərpa edəcəyini açıq elan etdi". Olaylar xəbər verir ki, bunu deyən politoloq Məhəmməd Əsədullazadənin sözlərinə görə,
cənab İlham  Əliyev siyasət xətrinə bəyanatlar vermir, xüsusilə  Qarabağla bağlı mesajları reallığa söykənir:  "Prezidentin bu çıxışından belə qənaətə gələrək, bununla da  Xankəndində oturan separatçılara vaxt verilib. Ermənilər  prezidentin bu mesajından nəticə çıxarmalı, Xankəndini və ətrafında olan qanunsuz silahli birləşmələrlə birgə tərk etməlidir. Azərbaycan bu ilin axırına kimi Xankəndində oturan separatçıları neytrallaşdırması mümkündür. Rusiya da bu mesajdan nəticə çıxarmalı və separatizmi dəstəkləməməlidir. Ermənistana gəldikdə isə, N. Paşinyan Qarabağ Azərbaycanın ərazisi deməklə,  reallıqları qəbul edib".