Yunus  Oğuzdan Prezident İlham  Əliyevə TƏBRİK

Yazıçı-publisist  Yunus  Oğuz Azərbaycan  Respublikasının  Prezidenti  İlham  Əliyevi  Türk Dünyasının Ali ordeni  ilə  təltif  olunması  münasibətilə  təbrik  edib.Təbrikdə  deyilir: "Bu  günlər həm  Azərbaycan, həm   Türkiyə,  ümumən  bütün  Türk  dünyası  çox  əlamətdar  günlər  yaşayır. 44 günlük  Vətən  müharibəsinin  Zəfər  ildönümü, 10  noyabr bəyannaməsinin  ildönümü  Azərbaycanla  bərabər  keçmişlərdə  olduğu  kimi  bizim  yanımızda  olan  Türkiyədə də  böyük  bayrama  çevrilib. Bu  gün  isə  tariximizin  gözəl  səhifələrindən  biri  yazılıb. Türkdilli Dövlətlərin Əməkdaşlıq Şurasının İstanbulda keçirilən VIII Zirvə görüşünə  Siz  Qalib Sərkərdə,  Qalib  dövlət  başçısı,    Qalib  Ali  Baş  Komandan  kimi qatıldınız. Bugünki  Zirvə Görüşündə  iştirakınız  və  çıxışınız  ötən  ilin   44 günündə  edilən  çıxışların  diplomatik  NİDAsı idi. Sizin  Türk Dünyasının Ali ordeni ilə  təltif  olunmağınız  isə  Bütün  Azərbaycana  verilən  dəyər və qiymətdir! Qürur  duyuruq  və  bu  hissi  bizə  yaşatdığınıza  görə  Sizə  təşəkkür  edirik!"