ABŞ işğaldan azad edilmiş ərazilərin minalardan təmizlənməsi üçün Azərbaycana 500 min dollar ayırıb

ABŞ ikinci Qarabağ müharibəsi zamanı zərər dəymiş ərazilərdə humanitar minatəmizləmə əməliyyatlarının həyata keçirilməsi üçün 500 min dollar məbləğində vəsait ayırıb.

Olaylar.az xəbər verir ki, Trend bu barədə ABŞ-ın Azərbaycandakı Səfirliyinə istinadən məlumat verir.

Qeyd olunur ki, vəsait öldürücü minaların və partlamamış sursatların zərərsizləşdirilməsi və təmizlənməsi üzrə təşkilatların texniki potensialının yüksəldilməsinə yönəldiləcək: "Bu səylər təhlükəsizliyin gücləndirilməsində və əvvəllər didərgin düşmüş icmaların öz evlərinə qayıtmasında, əvvəlki həyatlarını bərpa etməsində həlledici rol oynayacaq".