VBP Zəfər günü ilə bağlı bəyənatla çıxış edib

Müzəffər Prezident İlham Əliyevin yürütdüyü siyasət nəticəsində Azərbaycan nəinki bölgədə dünyada önəmli rol oynayacaq bir dövlətə çevriləcək.
Bu Vətəndaş Birliyi Partiyasının 8 noyabr-Zəfər Günü ilə bağlı  qəbul etdiyi bəyanatda deyilir. Olaylar. a
daxil olan bəyanatda  deyilir ki, 2020-ci ilin sentyabrın 27-də Ali Baş Komandan İlham Əliyevin  əmri ilə müasir hərb tarixinə görünməmiş qəhrəmanlıq  salnaməsi yazan  Azərbayan ordusu  beynəlxalq hüquq normalarına uyğun olaraq 30 ilə yaxın müddətdə  torpaqlarımızı işğal altında saxlayan erməni işğalçılarına qarşı müqəddəs Vətən savaşına başladı.
Bəyanatda daha sonra deyilir:
"Azərbaycan  ötən 30 ilə yaxın müddətdə  Ermənistanın işğalçılıq siyasətini sülh danışıqları yolu ilə  aradan qaldırılmağa çalışsa da, bütün  bu cəhdlər  istənilən müsbət nəticəni vermədi. Münaqişənin dinc danışıqlar yolu ilə həlli istiqamətində  yaradılan ATƏT Minsk qrupu vasitəçi missiyası da üzərinə düşən vəzifəni yerinə yetirə bilmədi. Bunun nəticəsi olaraq  BMT Təhlükəsizlik Şurasının Ermənistan silahlı qüvvələrinin işğal olunmuş Azərbaycan ərazilərindən dərhal çıxarılmasını tələb edən 4 qətnaməsi 27 il kağız üzərində qaldı və icra olunmadı.  Digər beynəlxalq təşkilatların, o cümlədən elə ATƏT-in Qarabağ münaqişəsinin həlli ilə bağlı qəbul etdiyi sənədlərə  biganəlik və laqeyidlik nümayiş etdirildi. Ermənistan tərəfi isə ATƏT MQ həmsədrlərinin və beynəlxalq təşkilatların bu mövqeyindən  istifadə edərək  beynəlxalq hüququn norma və prinsiplərini kobud surətdə pozub, ayaqlar altına alaraq Azərbaycana qarşı davamlı  təxribatlar həyata keçirməkdə davam etdi. Ermənistanın son  illər ərzində, xüsusən də son 2 il ərzində Ermənistanın təxribatçı addımları, bəyanatları, hərəkətləri müharibəni qaçılmaz edirdi və müharibəni günbə-gün yaxınlaşdırırdı.
Azərbaycan xalqının səbr kasası dolduğundan ölkə başçısından səbrsizliklə "Hücum" əmrini gözləyirdi. Lakin  Müzəffər Ali Baş Komandan İlham Əliyev  "Hücum " və "İrəli" əmrini verəcəyi vaxtı və məqamı gözəl bilirdi. Bilirdi ki, müharibə qaçılmazdır və işğal altında torpaqlar  müharibəsiz öz həllini tapmayacaq. Ona görə də bütün fəaliyyətini və diqqətini bu istiqamətə yönəltmişdi. Müdrik lider  bunun üçün ilk olaraq ölkə iqtisadiyyatını gücləndirib,  qüdrətli ordu yaratmaq, Azərbaycanın beynəlxalq aləmdəki mövqeyi nin möhkəmləndirilməsinə,   beynəlxalq diplomatiya müstəvisində  qələbəni təmin edəcək siyasətini yürüdüb "Hücum" və "İrəli" əmrini vermək günə hazırlaşdı.
Bütün fəaliyyətini Azərbaycanın  xoş gələcəyi  üçün  həsr etdiyini görüb, buna əmin olan xalqımız da  cənab Prezident İlham Əliyevin ətrafında  bir dəmir yumruq kimi birləşərək, torpaqları yağı düşməndən azad edilməsi üçün veriləcək "Hücum, irəli" əmrini səbrsizliklə gözlədi... Və o an 27 sentyabr 2020-ci ildə reallaşdı.
Rəşadətli Azərbaycan Ordusu  müqəddəs Vətən savaşında inanılmaz  və möhtəşəm qəhrəmanlıqlara imza atmaqla adını   dünyanın müasir hərb tarixinə  QIZIL hərflərlə yazdırdı. Azərbaycan Ordusu 44 günlük Vətən savaşında dünya  hərb tarxində olmayan yeniliklərə imza atdı. Azərbaycan Ordusu  ermənilərin uydurduduğu miflərini məhv edib, dünya erməni faşizminə son verdi. Düşmən  Müzəffər Ali Baş Komandanın başçılığı ilə həyata keçirilən hərbi əməliyyatlar qarşısında tab gətirməyib diz çöküb, kapitulyasiya aktına imza atmaq  məcburiyyətində qaldı.
Müzəffər Prezident İlham Əliyevin rəhbərliyi altında  ordumuz Azərbaycanın tarixinə Qələbə səhifəsi yazmış oldu. Çünki qələbə təkcə hərb meydanında deyil, eyni zamanda cənab Prezident tərəfindən informasiya savaşında və diplomatik müstəvidə də apardığı mübarizədə inanılmaz qələbə əldə etdi. 
Hansı ki, son  200 ildən artıq müddətdə Azərbaycan belə qələbə sevincini yaşamamışdı. Bu müddət ərzində  yüz minlərlə  soydaşımız öz ata yurdunu tərk etmək zorunda qalıb. Təkcə son 30 ildə Azərbaycana qarşı keçirilən işğalçılıq siaysəti nəticəsində milyondan artıq soydaşımız öz yurdlarından qaçqın və məcburi köçkün vəziyyətinə düşdü. Amma bu 44 günlük Vətən savaşı bütün bunlara son verdi və Azərbaycan xalqının sınmış qəddini düzəltdi.
Azərbaycan Ordusunun 44 günülük müqəddəs Vətən savaşında göztərdiyi şücaət, qəhrəmanlıqla yanaşı,  müasir  hərb tarixinə  hərbi əməliyyatların keçirilməsi üçün ən  əlverişisiz coğrafi şəraitdə necə və az itki ilə qələbənin  əldə edilməsini dünyaya nümayiş etdirdi və indi dünya ordumuzun həyata keçirdiyi hərb taktikasını öyrənir. Ordumuzun İkinci Qarabağ müharibəsi zamanı istifadə olunan döyüş taktikası dünya hərb tarixində yenilik hesab olunur və müvafiq xarici ölkələrin ali hərbi məktəblərin dərsliklərinə salınaraq öyrənilir.
Möhtəşəm Qələbənin əldə olunmasında  əsas yük və ağırlıq Azərbaycan  Ordusunun üzərinə düşsə də, bu böyük qələbə ölkədə yaradılmış xalqın güc və birlik rəmzinə çevrilmiş "dəmir yumruq" müstəsna rol oynadı. Siyasi mövqeyindən və milli mənsubiyyətinidən asılı olmayaraq bütün vətəndaşlarımızın səmimi birliyi sayəsində, milli iradənin qətiyyətlə və böyük ruh yüksəkliyi ilə ortaya qoyulması hesabına əldə edildi.

Vətən müharibəsi zamanı ölkədə fəaliyyət göstərən siyasi partiyalar Prezident İlham Əliyevə dəstək ifadə edən birgə bəyanat və müraciətlər imzalaması milli məsələlərdə ölkədə hər hansı fikir ayrılığının olmadığını nümayiş etdirib.

Siyasi partiyalar tərəfindən siyasi həmrəyliyə xidmət edən ümumilikdə 8 birgə bəyanat və 2 müraciət imzalayıb ki, bu da milli məsələlərdə, tarixi ədalət və haqq uğrunda aparılan müharibədə xalq iqtidar və müxalifət cəbhələrinə bölünməz olduğunu dünyaya göstərib.  Məhz daxildəki həmrəylik, milli birlik vahid amal uğrunda birləşməyimiz əlavə güc verdi, imkan vermədi ki, bəzi mənfur xarici dairələr öz çirkin planlarını Azərbaycanda həyata keçirsinlər.
10 noyabr kapitulyasiya sənədindən sonra işğaldan azad edilən torpaqlarımızda Azərbaycan bayrağı dalğalanılır, yenidən bərpa olunan dövlət sərhədlərimizdə Azərbaycan əsgəri keşik çəkir, dağıdılmış və viran edilmiş yurd yerlərimizdə böyük tikinti-quruculuq işləri aparılır, dinc sakinlərin öz evlərinə rahat qayıdışı və yaşayışı üçün geniş təhlükəsizlik tədbirləri görülür.
Azərbaycanın əldə etdiyi qələbə Cənubi Qafqazda yeni reallıqlaır və bu reallqılar isə bölgənin xoş gələcəyi, inkişafı üşün yeni əməkdaşlıq imkanları yaradıb.  Yeni reallıqlar isə  bütövlükdə regionun inkişafı üçün əlavə stimul olacaq yeni əməkdaşlıq formatları eyni zamanda ölkələrin inkişafında müsbət tendensiyaları yaradacaqdır. Bölgədə yaranacaq əməkdaşlıq formatlaır  iqtisadi, nəqliyyat, geosiyasi və ən başlıcası, bu regionda təhlükəsizliyin möhkəmləndirilməsi baxımından olduqca önəmli rola malik olacaq. Odur ki, müharibədən sonra bölgədə  keyfiyyət etibarilə yeni inkişaf dövrü başlanıb. Bu məsələdə Azərbaycanın özünəməxusus yeri olacaq və  təkcə bölgədə deyil, dünyada mövqeyini möhkəmlənməsinə xidmət edəcək.
Vətəndaş Birliyi Partiyası  bu qələbənin əldə edilməsində misilsiz şücaət və qəhrəmanlıqlar göstərmiş hərbçilərimizi, öz canını Vətənimizin azadlığı üçün qurban vermiş şəhidlərimizi, döyüşlərdə sağlamlıqlarını itirmiş qazilərimizi, eləcə də onların valideynlərini bu gün böyük minnətdarlıq, iftixar, qürur və hörmət hissiylə anaraq, bu şərəfli insanların xatirəsinin daim əziz tutulacağını bir daha bəyan edir.
Vətəndaş Birliyi Partiyası 30 illik işğala son qoyulmasında və son 200 illik tariximizdə belə bir şərəfli tarixin yazılmasında müstəsna xidməti olan, döyüş əməliyyatlarına düzgün və uğurla komandanlıq etdiyinə, Ordunu və cəmiyyəti vahid qüvvə şəklində bütövlükdə öz arxasınca səfərbər edib, məharətli bacarığına görə  bütün savaşlardan qələbə ilə çıxan Müzəffər Azərbaycan Prezidenti cənab İlham Əliyevə xüsusi təşəkkürünü bildirir.
Vətəndaş Birliyi Partiyası eyni zamanda beynəlxalq təşkilatları və dünya ölkələrini  bundan sonra  Cənubi Qafqazda dayanıqlı sülhün, sabitliyin təmin edilib, sıx inteqrasiya olunmuş əməkdaşlıq formatının yaradılmasına çağırır!"