Prezidentin bəyanatı bütün ölkənin iradəsini ifadə edir

Fərəc Quliyev: “Əgər torpaqlarımız qısa zaman ərzində azad olunmasa, biz həm Azərbaycan Konstitusiyasına, həm də beynəlxalq konvensiyalara görə, torpaqlarımızı hərbi yolla işğaldan azad edəcəyik” Bir neçə gün əvvəl Prezident İlham Əliyevin cəbhıə xəttinə səfəri, eləcə də həmin ərəfədə Azərbaycan Silahlı Qüvvələrinin başlamış olduğu genişmiqyaslı hərbi təlimlər cəmiyyətdə ciddi mənada ruh yüksəkliyi yaradıb.

Fərəc Quliyev: "Əgər torpaqlarımız qısa zaman ərzində azad olunmasa, biz həm Azərbaycan Konstitusiyasına, həm də beynəlxalq konvensiyalara görə, torpaqlarımızı hərbi yolla işğaldan azad edəcəyik"

Bir neçə gün əvvəl Prezident İlham Əliyevin cəbhıə xəttinə səfəri, eləcə də həmin ərəfədə Azərbaycan Silahlı Qüvvələrinin başlamış olduğu genişmiqyaslı hərbi təlimlər cəmiyyətdə ciddi mənada ruh yüksəkliyi yaradıb. Bir çoxları, eləcə də Ermənistan tərəfi isəı bundan ciddi təşvişə düşərək Azərbaycanın müharibəyə hazırlaşdığı barədə təlaşlı xəbərlər yayır. Bə, görəsən reallıqda vəziyyət nədən ibarətdir? Bu və ya digər məsələlərlə bağlı suallara Milli Dirçəliş Hərəkatı Partiyasının sədri, Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Fərəc Quliyev aydınlıq gətirib. O, bildirib ki, Azərbaycan tərəfi bu ilin aprelində cəbhədəki döyüşlərdə bu məsələyə son qoya bilərdi, amma böyük güclərin, xüsusilə Rusiyanın təkidindən sonra biz əməliyyatları dayandırdıq: "Amma söz vermişdilər ki, bu məsələ tezliklə dinc yolla həll olunacaq. Lakin o zamandan bəri heç bir irəliləyiş yoxdur. Azərbaycan o zaman belə iradə sərgiləyərək bildirdi ki, biz məsələni hərbi yolla həll etmək gücündə olmağımıza baxmayaraq, əməliyyatları dayandırırıq və bildirdi ki, buyurun, əgər siz bunu dinc yolla edə bilirsinizsə, edin. Biz buna razıyıq. Amma bu müddət ərzində heç bir şey baş vermirsə, bu, onu göstərir ki, vasitəçilər yenidən taym-aut götürmək, yenidən ermənilərin mövqeyini möhkəmlətmək, mövcud status-kvonu saxlamaq istəyirlər. Amma bu, Azərbaycan üçün qəbulolunmazdır. Prezident İlham Əliyevin ifadə etdiyi kimi, danışıqlar prosesi bir limitə söykənməlidir. Əgər torpaqlarımız qısa zaman ərzində azad olunmasa, biz həm Azərbaycan Konstitusiyasına, həm də beynəlxalq konvensiyalara görə, torpaqlarımızı hərbi yolla işğaldan azad edəcəyik. Buna kifayət qədər gücümüz və imkanımız var və bunu aprel döyüşləri zamanı, az da olsa, göstərdik. Ona görə də, məncə, prezidentin verdiyi bəyanat bütün ölkənin iradəsini ifadə edir". Prezidentin səsləndirdiyi bəyanatla eyni gündə başlayan Silahlı Qüvvələrin irimiqyaslı təlimlərinə də diqqət çəkən millət vəkili deyib ki, hərbi təlimlər ordunu yoxlamaq və möhkəmlətmək üçün olan tədbirlərdəndir və heç də mütləq şəkildə müharibəyə, hərbi əməliyyatlar fazasına keçmək üçün nəzərdə tutulmur: "Bu təlimlər də ordunun hazırlığını artırmaq üçün plana uyğun növbəti addımlardan biridir. Amma Azərbaycan Ordusu aprel savaşında göstərdi ki, düşmənin hücumuna cəmi bir neçə saat ərzində çox güclü cavab verə bilər. Ordumuz bu cavabı vermək üçün zatən hər zaman döyüşə hazırdır və bunun üçün əlavə təlimə ehtiyac yoxdur". Fərəc Quliyev ailənin tək olan oğlunun əskərlikdə şəhid olacağı təqdirdə nəslin davamçısı olmayacağı ehtimalı ilə hərbi xidmətə aparılmaması ilə bağlı aparılan müzakirələrə də toxunub. Qeyd edib ki, Milli Məclisin Müdafiə, təhlükəsizlik və korrupsiya ilə mübarizə komitəsində dəfələrlə evin tək oğlanlarının hərbi xidmətə çağrılmaması ilə bağlı məsələ müzakirəyə qoyulub: "Düşünürəm ki, evin tək oğlanları hərbi

xidmətə çağrılmaması Azərbaycana demoqrafik cəhətdən zərbə vura bilər. Belə qanun qəbul olunarsa, bir çox ailələr təkövladlılığa meylli olacaq. Allahın bir qədəri var. Qismət nədirsə o da olacaq. Bu səbəbdən düşünürəm ki, hər bir kişi hərbi xidmətdə olmalıdır. Hərbi xidmətə getməmək kişinin xarakterinin formalaşmasına zərbə vura bilər. Düşünürəm ki, Milli Məclisdə evin tək oğlanlarının arxa cəbhədə xidmət etmələri ilə bağlı müzakirələr aparmaq olar. Amma tamamilə hərbi xidmətə getməməsi ilə bağlı məsələ qətiyyən müzakirəyə çıxarıla bilməz.Təkoğlanlı ailələrlə bağlı qanunda dəyişiklik düşünürəm ki, hərbi xidmətdən yayınmağa meylli olanların sayını artıracaq. Ölkənin demoqrafik vəziyyətinə, əhalinin sayının azalmasına səbəb ola bilər. Elə adamlar var ki, əsgərlikdən yayınmaq üçün müxtəlif yollara əl atır. Qanunda belə bir dəyişiklik hərbi xidmətdən yayınmaq üçün üçün əsas ola bilər. Belələri az deyil. Bu səbəbdən belə müzakirədə bütün variantlar düşünülməlidir. Biz əksinə, çoxuşaqlı ailələrin sayının artmasına stimul verməliyik. Belə ailələrin sayının artması üçün vəsaitlər ayrılmalı, təşviqedici işlər görülməlidir. Milli Məclisdə bu istiqamətdə müəyyən addımlar atılıb, hazırda da belə ailələr üçün müəyyən imtiyazların verilməsi nəzərdə tutulub. Dəfələrlə təklif etmişəm ki, Neft Fondunun pullarının bir hissəsi əsgərlikdən qayıdanlara, aşağı faizlə kredit şəklində verilsin ki, müəyyən iş qura bilsinlər və torpaq sahələri də verilsin ki, mənzillə təmin oluna bilsinlər. Belə tədbirlər hərbi xidmətə marağı artırar. Tək oğlanların əsgər getməməsi ilə bağlı qərar qəbul etsək, vəziyyət pisləşər. İki iclas öncə də parlamentdə belə bir məsələni də müzakirəyə çıxartdım ki, şəhidin tək övladı ya hərbi xidmətə çağırılmasın, ya da ki birmənalı şəkildə arxa cəbhədə olsun".

Məhəmməd