Mədəniyyət
Milli Tarix MuzeyindəXVIII əsrə aid tüfəng
Milli Azərbaycan Tarixi Muzeyi öz zəngin fondlarında mühafizə olunan maddi mədəniyyət nümunələrinin bərpa edilərək gələcək nəsillərə düzgün çatdırılmasına xüsusi diqqət ayırır.
Əliqismət Lalayev 35-ci Fəcr Festivalının açılış mərasimində çıxış edib
Azərbaycan Dövlət Musiqili Teatrı İran İslam Respublikasında keçirilən 35-ci Fəcr Beynəlxalq Teatr Festivalında iştirak edir. Dövlət Musiqili Teatrının Mətbuat katibi Samir Sədaqətoğlu “Olaylar” – a bildirib ki, festivalın təntənəli açılış mərasimində Musiqili Teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev çıxış edib.
Azərbaycan xalçaları beynəlxalq sərgidə
“Azərxalça” Açıq Səhmdar Cəmiyyəti Almaniya Federativ Respublikasının Hannover şəhərində keçirilən DOMOTEX beynəlxalq satış sərgisində iştirak edir. “Azərxalça” Açıq Səhmdar Cəmiyyətindən “Olaylar” – a verilən məlumata görəsərgiyə Azərbaycan xalçaçılıq məktəbinin ən gözəl nümunələri- İrəvan, Naxçıvan, Qarabağ, Bakı, Təbriz, Gəncə, Quba, Şirvan və Qazax-Borçalı xalçaları ilə qatılıb.. Hannover sərgisində “Azərxalça” ASC-ni sədr müavini Orxan Rzayev təmsil edir. Sərgi yanvarın 14-dən 17-dək davam edəcək.
“Medeya. Sekvensiya 001”
Yanvarın 18-də Azərbaycan Dövlət “Yuğ” Teatrının yaradıcı kollektivinin təqdimatında “Medeya. Sekvensiya 001” tamaşası nümayiş olunacaq.
Akademik Milli Dram Teatrında “Xəcalət”
Yanvarın 19 – da Əməkdar İncəsənət Xadimi Bəhrəm Osmanovun quruluşunda Akademik Milli Dram Teatrının səhnəsində yazıçı-dramaturq Hüseynbala Mirələmovun iki hissəli “Xəcalət” dramı əsasında hazırlanmış eyniadlı tamaşa nümayiş olunacaq. Tamaşanın quruluşçu rəssamı Əməkdar Rəssam İsmayıl Məmmədov, musiqi tərtibatçısı isə Xalq Artisti Siyavuş Kərimidi. Əsərdə əsas rolları Xalq artistləri Nurəddin Mehdixanlı, Ramiz Novruz, aktyorlar Xədicə Novruzlu, Əlvida Cəfərov və Məzahir Cəlilov canlandıracaqlar.
“Qarabağ mifləri” nəşr olundu
Mədəniyyət və Turizm Nazirliyinin Mədəniyyətşünaslıq üzrə Elmi-Metodiki Mərkəzi və AMEA-nın Folklor İnstitutunun növbəti birgə layihəsi olan “Qarabağ mifləri” adlı təbliğat xarakterli nəşri işıq üzü görüb. Açıqcalar toplusu azərbaycan, rus və ingilis dillərində çap olunub..
"20 Yanvar – Fəxrlə Andığımız Gün"
Yanvar ayının 18-də saat 11:00-da Milli Azərbaycan Tarixi Muzeyindən “Olaylar” – a verilən məlumata görə "20 yanvar – fəxrlə andığımız gün" adlı tədbir keçiriləcək. Tədbir Milli Azərbaycan Tarixi Muzeyi və Azərbaycan Respublikasının Prezidenti yanında Bilik Fondu ilə birgə təşkil olunub.
Nadir Qafarzadə qadınlara mahnı həsr etdi - VİDEO
Müğənni Nadir Qafarzadə “Xoşbəxt qadın” adlı mahnını yeni ritmik versiyada dinləyicilərin ixtiyarına verib. Olaylar.az-a açıqlama verən ifaçı bildirib ki, məşhur “Sekret Servis” qrupunun repertuarından olan bəstəyə növbəti dəfə müraciət edib: “Bu bəstə 90-cı illərdə İsveç qrupu tərəfindən kompazisiya şəkilində təqdim olunmuşdu. Mən isə bu mahnıya fərqli şəkildə yanaşdım. Bəstəni çox sevirdim. Elə ona görə “Xoşbəxt qadın” adlı mahnını iki versiyada lentə aldırdım. Bu yeni versiyadır. Onu da əlavə edim ki, bu mahnını bütün qadınlara həsr etmişəm”.
Vüsalə Rəcova: "Çarəsi yox"- VİDEO
Müğənni və teleaparıcı Vüsalə Rəcova yeni təqvimdə ilk yaradıcılıq işini təqdim edib. Olaylar.az xəbər verir ki, sənətçi repertuarına lirik mahnı daxil edib. "Çarəsi yox" adlanan mahnının sözləri Altay Yaşara, musiqisi Rəşad Bağırova məxsusdur. Mahnının mövzusu bitən sevgidən bəhs edir.
“Naxox” Masallıda
Rejissor Zaur Mirzəzadənin lentə aldığı, baş rollarında Ferda Amin və Elməddin Cəfərovun çəkildiyi “Naxox” kino komediyası paytaxtda və Masallıda tamaşaçılarla görüş keçiriblər. Elməddin Cəfərov və Fərda Amin Park Bulvar AVM və Park Cinema Masallıda öz tamaşaçıları ilə görüşüblər. Görüş zamanı onlar tamaşaçıları ilə birgə şəkil çəkdirərək, filmi birgə izləyiblər.
