Hamısı öz yerindədi, baxır hardan baxırsan... – Elvin Bakiroğlu

"Olaylar" gənc şair  Elvin Bakiroğlunun yeni şeirlərini təqdim edir.

Musiqili Teatr Tehranda

Musiqili Teatrının kollektivi teatrın direktoru, əməkdar incəsənət xadimi, sənətşünaslıq üzrə fəlsəfə doktoru Əliqismət Lalayevin rəhbərliyi ilə İran İslam Respublikasının paytaxtı Tehran şəhərinə yola düşüb. Qurumun mətbuat katibi Samir Sədaqətoğlu “Olaylar” – a bildirib ki, İranda keçirilən Azərbaycan Mədəniyyət Günlərinin nümayəndə heyətinə daxil edilən Musiqili Teatrın kollektivi Tehranda olduğu müddətdə dahi Üzeyir Hacıbəylnin “Ər və arvad” tamaşasını nümayiş etdirəcək.

YUNESKO - dan Viyana qərarı

Birləşmiş Millətlər Təşkilatının Təhsil, Elm və Mədəniyyət Təşkilatı Dünya Miras Komitəsi,  tarixi şəhər kimi tanınan Vyananın mərkəzində yeni inşa edilən  binaların şəhərin universal dəyərini itirməsinə səbəb olduğunu bildirdi. “Olaylar” “Anadolu” agentliyinə istinadən bildirir ki, YUNESKO-dan verilən yazılı açıqlamada  Avstriyanın paytaxtı Vyanada inşa edilən və təxminən 66 metrin üzərindəki yeni strukturların, şəhərin özünə xas xüsusiyyətini itirməsinə və universal dəyərini itirməsinə gətirib çıxardığı ifadə edilir.

Hadisə : "Azərbaycana səbir diləyirəm...”

 İyulun 4-də Ermənistan silahlı qüvvələrinin Füzulinin Alıxanlı kəndinə atdığı mərmi nəticəsində həyatını itirən 2 yaşlı Quliyeva Zəhra Elnur qızının ölüm xəbərinə türkiyəli müğənni Hadisə də biganə qalmayıb. Məşhur müğənni bu barədə 5, 8 milyondan çox izləyicisi olan instaqram hesabında yazıb:

Amaliya Pənahova: "Həmin insan mənim üçün yoxdur"

"Hər kəs xoşbəxtliyi özü kimi görür. Desəm ki, xöşbəxt deyiləm, yalan olar. 47 il həyat yoldaşımla ömür-gün yoldaşı oldum. İki övladım, üç nəvəm var. 17 yaşımdan səhnədəyəm. İlk rolum elə uğur gətirdi ki... İstədiyim hər şeyə nail olmuşam. Necə deyim xoşbəxt deyiləm?"

Məşhur azərbaycanlı fotoqraf dünyasını dəyişdi

Teatra təşəkkür məktubu ünvanlandı

Gənc Tamaşaçılar Teatrının aktyoru, Azərbaycan Respublikasının və Kalmıkıya Respublikasının əməkdar artist Şövqi Hüseynov  Belarus Respublikasının Moqilyovsk vilayətinin Bobruysk şəhərində keçirilən “Dostluq çələngi” adlı xalq yaradıcılığı Beynəlxalq festivalında ölkəmizi təmsil edib. Teatrdan “Olaylar” – a bildirlib ki,  dünyanın 25 ölkəsinin iştirak etdiyi festivalda azərbaycanlı aktyorun çıxışı maraqla qarşılanıb. Festivalın idarə heyəti Gənc Tamaşaçılar Teatrının direktoru, əməkdar artist Mübariz Həmidov və Şövqü Hüseynovun ünvanına təşəkkür məktubu və festivalın diplomunu göndərib.

Səmərqənddə “Orta əsr Şərq üləmaları ensiklopediyası” kitabı özbək dilində çap edilib

Səmərqənd şəhərindəki İmam Buxari Beynəlxalq Mərkəzinin təşəbbüsü ilə “Orta əsr Şərq üləmaları ensiklopediyası” kitabı özbək dilində çap edilib. 612 səhifəlik ensiklopediyanın hazırlanmasında dünyanın 50-yə yaxın ölkəsinin alimləri, şərqşünasları iştirak edib.

“Davul səsi” mövsümə son qoyacaq

Sabit Rəhman adına Şəki Dövlət Dram Teatrı  türk dramaturqu  Hidayət Sayının “Davul səsi” əsərinin nümayişinə hazırlaşır. Teatrın mətbuat xidmətindən “Olaylar” – a bildirilib ki, əsər ilk dəfə səhnəyə qoyulur. Tamaşanın məşqləri bir neçə ay əvvəl başlayıb və artıq sona yetməkdədir. Yaxın günlərdə Şəki teatrında premyera baş tutacaq və teatr mövsümə bu əsərlə son qoyacaq. Tamaşanın quruluşçu rejissoru Mirbala Səlimli, quruluşçu rəssamı Nicat Məmmədovdur. Rəqslərə Çingiz Novruzəliyev quruluş verib. Əsas  rolları Lalə Məmmədova, Xanlar Həşimzadə, Akif Yusifov, İqrar Salamov, Fidan Lətifova və başqaları canlandıracaqlar.

Tətqiqatçı Fuad Axundov ilə görüş

Musiqi Mədəniyyəti Dövlət Muzeyində Bakı tarixinin tədqiqatçısı Fuad Axundov ilə görüş keçirilib. Tədbiri giriş sözü ilə muzeyinin direktoru, sənətşünaslıq üzrə fəlsəfə doktoru, əməkdar mədəniyyət işçisi Alla Bayramova görüşümuzeyin açdığı “Köhnə Bakının noktürnləri” rubrikasından silsilə tədbirlərin birincisidi.

“İlin aktyoru” “Sərhəd” filmində

Musiqili Teatrının gənc aktyoru, tamaşaçıların Xalq yazıçısı Elçinin məşhur heakyələri əsasında hazırlanan “Baladadaşın toy hamamı” iki hissəli musiqili lirik komediyasından baş rolun ifaçısı kimi yaxşı tanınan, 2017-ci ildə  “İlin aktyoru” mükafatına layiq görülən Əmrah Dadaşov İran İslam Respublikasında filmə çəkilmək üçün dəvət olunub. Teatrının mətbuat katibi Samir Sədaqətoğlu “Olaylar” – a bildirib ki, İranın “Günəşfilm” Studiyasında istehsal olunacaq şərti adı “Sərhəd” olan (“Arpa çayı – ayrılıq nəğməsi”) tammmetrajlı bədii filmində Ə. Dadaşov baş rolu – Aydın obrazını canlandıracaq. Filmin quruluşçu rejissoru və ssenari müəllifi İran İslam Respublikasının tanınmış sənətçilərindən olan Ali Abdalidir.

Türk-Yapon birgə istehsalı olan film təqdim olunacaq

İyulun 6 – da Türkiyə və Yaponiya arasındakı dostluğundan bəhs edən,  iki tarixi hadisəni izah edən film nümayiş olunacaq. “Olaylar” “Anadolu” agentliyinə istinadən bildirir ki, Ərtoğrul freqatı faciəsinin 125 – ci il dönümü münasibəti ilə  çəkilən "Ərtoğrul 1890" filmi TRT 1 vasitəsilə tamaşaçılara təqdim olunacaq. Ssenarisini Eriko Komatsu'nun qələmə aldığı, rejissoruluğunu  Mitsutoshi Tanakanın üstələndiyi filmdə, Seiyou Uchino, Kenan Ece, Shioli Kutsuna, Alican Yücesoy, Yui Natsukawa, Uğur Polat, Yukiyoshi Ozawa, Mehmet Özgür, Deniz Oral və Tamer Levent kimi aktyorlar rol alır.

Annet Beninq festival jürisinə rəhbər təyin olundu

Amerikalı aktrisa Annet Beninq 74-cü Venesiya festivalının münsiflər heyətinə başçılıq edəcək. Festivalın bədii rəhbəri Alberto Barberaın fikrincə, artıq uzun-uzun kişi siyahılarından imtina edib, qadınları beynəlxalq festivalların jürisi roluna dəvət etmək lazımdır. Sonuncu dəfə Venesiya festivalının jürisinə rəhbərlik edən qadın  aktrisa Ketrin Denev olub və bu, 2006-cı ildə baş verib.

Elçin Əzizov Savonlinna Opera Festivalında çıxış edəcək

İyulun 7-dən avqustun 4-dək Finlandiyada Savonlinna Opera Festivalı keçiriləcək. Azərbaycanın əməkdar atisti Elçin Əzizov Rusiya Dövlət Akademik Böyük Teatrının yaradıcı heyətinin qastrolu çərçivəsində bu festivalda iştirak edəcək. İyulun 25-29-da festivalda nümayiş olunacaq P.Çaykovskinin “İolanta” operasında həmvətənimiz İbn Hakia obrazını canlandıracaq. Bu barədə məlumatlar Böyük Teatrın saytında və “operabase” portalında yer alıb.

“Nar bağı” filmi Avrasiya Beynəlxalq Film Festivalında

İlqar Nəcəfin “Nar bağı” bədii filmi Qazaxıstanın 13-cü Avrasiya Beynəlxalq Film Festivalına dəvət alıb. C.Cabbarlı adına “Azərbaycanfilm” kinostudiyası və “Buta Film” kino şirkətinin birgə istehsalı olan yeni ekran əsəri festivalın əsas müsabiqə proqramında yer alıb. Kinostudiyasından "Olaylar" - a bildirilib ki, festival iyulun 22-dən 28-dək Astanada keçiriləcək.