Mədəniyyət
"Oğluma görə məni bıçaqlamaq istəyiblər" - Xanım müğənni - VİDEO
ARB TV-nin "Sirdaş Rövşanə" proqramının növbəti qonağı müğənni Şəhla Həmidova olub. Müğənni övladı üçün hətta bıçaqla hədələndiyini də bildirib.
Nyu-Yorkda möhtəşəm Novruz bayramı
Nyu Yorkda Azərbaycan-Amerika Qadın Cəmiyyətinin təşkilatçılığı ilə möhtəşəm bayram konserti təşkil olunub. “OLAYLAR” xəbər verir ki, tədbirə Azərbaycanın sevimli müğənnisi Könül Kərimova və istedadlı bəstəkar, ifaçı və müğənni Cabbar Musayev öz ifaları ilə rəng qatıblar.
Könül Xasıyeva səfir oldu
Xalq artisti Könül Xasıyeva “Həyat” Fondunun səfiri təyin olunub. Bu haqda xanəndənin Heydər Əliyev Sarayında baş tutan konsertində aparıcı Hacı Nuran Hüseynov deyib.
“Çeburaşka” - Gənc Tamaşaçılar Teatrında
Azərbaycan Dövlət Gənc Tamaşaçılar Teatrının səhnəsində Eduard Uspenskinin “Timsah Gena və dostları” əsəri əsasında hazırlanan “Çeburaşka” tamaşasının premeyrası keçirilib. Olaylar.az bildirir ki, uşaqlar tərəfindən alqışlarla qarşılanan bir hissəli musiqili tamaşanın rejissoru Ayla Həşimova, rəssamı Elşən Sərxanoğlu, musiqi tərtibatı Ramiq Nəsirov, plastik həlli Ceyhun Dadaşov, rejissor assistenti Günay Qasımovadır.
Məşhur azərbaycanlı müğənninin içkisinə dərman atıb zəhərlədilər - ŞOK İDDİA
Mələkxanım Eyyubovanın yaxın qohumu, "Xalq Ulduzu" mahnı yarışması ilə məşhurlaşan xanəndə Mirkamil dünən gecə saatlarında Bakı şəhər 1 saylı kliniki mərkəzin (Semaşko) toksəkologiya şöbəsinə yerləşdirilib.
Könül Xasıyeva yubiley konserti verdi
Xalq artisti Könül Xasıyeva solo konsert verib. Məlumata görə, xanəndənin yubileyi münasibətilə keçirdiyi konserti Heydər Əliyev Sarayında baş tutub. K.Xasıyevanın iki günlük konsertinin aparıcılığını Hacı Nuran Hüseynov edib. Müğənni səhnədə oturaraq mahnılarını oxuyub. Oğlum Kazım da anasını gecədə tək qoymayıb. O, səhnədə anasının yanında dayanıb.
Gənc Tamaşaçılarda həftəsonu
Azərbaycan Dövlət Gənc Tamaşaçılar Teatrı bayram günləri ərəfəsində, həftəsonu iki premyera ilə tamaşaçılarının görüşünə gəlir. Martın 17-də saat 12:00, 14:00 və 16:00-da H.X.Andersenin “Qar kraliçası” və martın 18 və 19-da eyni saatlarda E.Uspenskinin “Çeburaşka” əsərləri əsasında hazırlanan tamaşaların ilk təqdimatı həftəsonu repertuarın əsasını təşkil edir.
“Qar kraliçası” təqdim olundu
Azərbaycan Dövlət Gənc Tamaşaçılar Teatrında H.X Andersenin “Qar kraliçası” əsəri əsasında eyni adlı tamaşanın premyerası keçirilib. Olaylar.az bildirir ki, bir hissəli treyler janrında təqdim edilən tamaşa uşaqların bu günə kimi izlənilən Qar kraliçasından tamamilə fərqlidir. Məktəblilərin mistikaya marağı nəzərə alınaraq tamaşada müəllifin bu nağılında olan böyük dramatizm səhnədə nümayiş olunur.
Azərbaycan kəlağayıları Vyanada
Martın 16-da Vyanada ALMA qalereyasında Azərbaycan kəlağayılarına həsr olunmuş təqdimat keçirilib. Avstriyada yaşayan həmyerlimiz Arzu Karunun hazırladığı təqdimatda Azərbaycanda ənənəvi qadın baş örtüyü barədə ətraflı məlumat verilib. Qeyd edilib ki, bir çox Şərq və müsəlman ölkələrindən fərqli olaraq, Azərbaycan qadınları ipək saplardan toxunmuş və özünəməxsus naxışları olan baş örtüyünə - kəlağayıya üstünlük veriblər. Təqdimatda kəlağayının tarixi ilə yanaşı onun istehsal, rənglənmə və naxışlanma üsulları, həmçinin ağac və metal qəlib formaları barədə danışılıb, müxtəlif ölçülü və rəngli kəlağayılar nümayiş etdirilib.
Vaqif Mustafazadənin xatirəsi anıldı - Muğam Mərkəzində
Beynəlxalq Muğam Mərkəzində bəstəkar, pianoçu, caz-muğam üslubunun yaradıcısı, Əməkdar İncəsənət Xadimi Vaqif Mustafazadənin doğum günü ərəfəsində görkəmli musiqiçinin yaradıcılığına həsr olunmuş konsert keçirilib. Tədbirdə V.Mustafazadə haqqında qonaqlara ətraflı məlumat verilib, onun Azərbaycan musiqisindəki xidmətlərindən danışılıb.
“Dream Doctors” layihəsinin təntənəli bağlanış mərasimi
Azərbaycan Tibb Univeristetinin Tədris-Cərrahiyə Klinikasında Bakıda səs salmış “Dream Doctors” layihəsinin təntənəli bağlanış mərasimi keçirildi. Tədbir zamanı ATU-nun rektoru Dr.Gəray Gəraybəyli, ADMİU-nun rektor prof. Fərəh Əliyeva və İsrailin Azərbaycandakı Səfiri Dan Stav çıxış etdilər. Ardınca ADMİU-nun “Kino və Televiziya” fakültəsinin magistr tələbəsi Azər Həsənov və “Sabah” mərkəzinin tələbəsi Tehran Aslanovun layihə boyu çəkdiyi və birgə hazırladıqları qısa metrajlı film nümayiş olundu. Daha sonra İsraildən dəvət olunmuş müəllimlər, professional aktyor və klounlar Penny Hanuka və Vitali Azarin, eləcə də ADMİU-nun bir neçə tələbəsi layihə haqqında öz təəssüratlarını bölüşdü. Sonra tələbələrə sertifikatlar təqdim edildi.
Bir qrup müəllimləri ilə görüş keçirilib
Bakı şəhər uşaq musiqi və incəsənət məktəblərinin bir qrup müəllimləri ilə Bakı Şəhər Mədəniyyət və Turizm Baş İdarəsinin rəisi Vuqar Zeynalov görüş keçirib. Görüşdə müəllimlər sosial problemlərinin həllinin daima dövlətin diqqət mərkəzində olduğunu və onların pedaqoji fəaliyyətlərinin stimullaşdırılmasını qeyd ediblər və əmək haqqlarının artırılmasına görə ölkə başçısı Prezident İlham Əliyevə öz təşəkkürlərini bildiriblər.
Bakıda Novruz festivalı keçiriləcək
Martın 20-dən etibarən paytaxtda təşkil olunacaq Novruz festivalında regional musiqi və xalq yaradıcılığı kollektivləri ilə yanaşı, tanınmış müğənnilər iştirak edəcək. Fəvvarələr meydanında reallaşacaq festival Mədəniyyət və Turizm Nazirliyi, Milli Turizm Təbliğat Bürosu və Bakı şəhəri Mədəniyyət və Turizm Baş İdarəsinin birgə təşkilatçılığı ilə reallaşacaq.