Mədəniyyət

Türkçülüyün patriarxı Əhməd bəy Ağaoğlu haqda yeni kitab

1 İyun 2018 10:13

Azərbaycan Xalq Cümhuriyyətinin 100 illik yubileyi münasibətilə nəşr edilən kitabların sırasına daha bir sanballı əsər daxil olub. “Türkçülüyün patriarxı: Əhməd bəy Ağaoğlu (1869-1939)” adlı kitab bu günlərdə “TEAS Press” Nəşriyyat Evi tərəfindən çapdan buraxılıb. Olaylar.az bildirir ki, “Məşhurların həyatı” seriyasından çapa hazırlanan əsərdə türkçülük ideologiyasının banilərindən biri, müsəlman Şərqində avropalaşma siyasətinin ən ardıcıl tərəfdarı olan görkəmli Azərbaycan mütəfəkkiri və ictimai-siyasi xadimi Əhməd bəy Ağaoğlunun həyat və fəaliyyətindən danışılır. Azərbaycan Xalq Cümhuriyyəti parlamentinin üzvü olan Əhməd bəy Ağaoğlu XX əsrin əvvəllərində Azərbaycan türklərinin milli oyanışında müstəsna xidmətlər göstərib.

Ələkbər Tağıyev nəğmələri səsləndi

1 İyun 2018 09:37

Heydər Əliyev Sarayında tanınmış bəstəkar Ələkbər Tağıyevin mahnılarından ibarət konsert proqramı təqdim olunub. AzTV-nin birgə təşkilatçılığı ilə reallaşan konsertdə respublikanın mədəniyyət və incəsənət xadimləri iştirak ediblər.

Tarixi Muzeyində Cümhuriyyət xadimlərinin fotoşəkilləri qorunur

1 İyun 2018 09:33

AMEA Milli Azərbaycan Tarixi Muzeyinin Sənədli Mənbələr Fondunda Azərbaycan Xalq Cümhuriyyəti xadimlərinin, mühacirlərin XX əsrin birinci yarısına aid fotoşəkilləri mühafizə olunur. Həmin fotoşəkilləri muzeyə Türkiyənin Anadolu Universitetinin professoru Zaur Məhərrəm hədiyyə edib.

Muğam Mərkəzində klassik musiqilər səsləndi

1 İyun 2018 09:31

Beynəlxalq Muğam Mərkəzində “Klassik musiqi inciləri” layihəsi çərçivəsində konsert təşkil olunub. Olaylar.az bildirir ki, tədbiri açan Bakı Musiqi Akademiyasının professoru Hökumə Əliyeva Azərbaycanın dünya mədəniyyətinə klassik musiqinin görkəmli nümayəndələrinin bütöv bir pleyadasını bəxş etdiyini iştirakçıların nəzərinə çatdırıb. Belə musiqiçilərdən biri akademiyanın baş müəllimi, pianoçu Arzu Səfərovadır. H.Əliyeva deyib: “Bu gün hamı tərəfindən sevilən müəllimə Arzu Səfərovanın yaradıcılıq gecəsidir. Onun tələbələri böyük nailiyyətlər qazanıblar. İstedadlı pianoçu olaraq, A.Səfərova ölkəmizi beynəlxalq festival və müsabiqələrdə layiqincə təmsil edir”.

Muzey rəhbərlərinin DİQQƏTİNƏ

1 İyun 2018 08:42

Mədəniyyət Nazirliyinin Mədəniyyətşünaslıq üzrə Elmi-Metodiki Mərkəzi 31 may 2018-ci il tarixində Qala Dövlət Tarix-Etnoqrafiya Qoruğunda “Tarix və tarix-diyarşünaslıq muzeylərində ekspozisiya işinin təşkili istiqamətləri” adlı dəyirmi masa keçirmişdir.

Musiqili Teatrda həftəsonu

1 İyun 2018 08:38

Azərbaycan Dövlət Musiqili Teatrında həftəsonu maraqlı tamaşaların nümayişi gözlənilir. Olaylar.az bildirir ki, Musiqili Teatr 1iyun saat 19:00-da rus dilində “Qafqazlı qardaşqızı” (R.Hacıyev), 2 iyin saat 19:00-da “Amerikalı kürəkən” (R.Mirişli, M.Haqverdiyev) və 3 iyun saat 19:00-da “Arşın mal alan” (Ü.Hacıbəyli) tamaşalarını isə ana dilimizdə təqdim edəcək.