Mədəniyyət
Bədii-sənədli film təqdim edildi
Nizami Kino Mərkəzində “Mən səninləyəm, Ana Vətən” bədii-sənədli filmin təqdimatı keçirilib. Olaylar.az bildirir ki, Mədəniyyət Nazirliyinin dəstəyi, Sumqayıt Regional Mədəniyyət İdarəsinin təşkilatçılığı ilə reallaşan tədbirdə iştirakçılar əvvəlcə mərkəzin foyesində Aprel şəhidlərinə həsr olunmuş stendə baxıblar. Təqdimat mərasimdə Vətən uğrunda canını fəda etmiş şəhidlərimizin xatirəsi bir dəqiqəlik sükutla yad olunub.
Buktreylerlərin qəbulu başa çatdı
IV Buktreyler Festivalına buktreylerlərin qəbulu başa çatdı. Bu barədə Bukteyler Festivalının təsisçisi və direktoru, kinoaktyor Ruslan Sabirli məlumat verib: “Hal-hazırda Təşkilat Komitəsi tərəfindən buktreylerlərə baxış keçirilir və Festivalın tələblərinə uyğunluğu yoxlanılır. Bütün prosedurlar keçildikdən sonra buktreylerlər Münsiflər Heyətinə təqdim ediləcək. Hər bir iştirakçıya uğurlar arzulayıram!”
“Haydi” filmi Frankofoniya həftəsində nümayiş olunacaq
Aprelin 4-də “Park Cinema”da İsveçrənin məşhur “Haydi” filmi nümayiş olunacaq. Olaylar.az bildirir ki, filmin nümayişi Frankofoniya həftələri çərçivəsində İsveçrənin ölkəmizdəki səfirliyinin təşkilatçılığı ilə reallaşacaq. Film İsveçrə almancasında Azərbaycan və rus subtitrləri ilə təqdim ediləcək.
“START” layihəsi çərçivəsində növbəti rəsm sərgisi
“Arts Council Azerbaijan” təşkilatı “START” layihəsi çərçivəsində gənc və həvəskar rəssamların inkişafı üçün növbəti rəsm sərgisi açacaq. Olaylar.az bildirir ki, “Art Tover” rəsm qalereyasında açılacaq sərgi “İçərişəhər” Dövlət Tarix-Memarlıq Qoruğu İdarəsi, Mədəniyyət Nazirliyi, Azərbaycan Dövlət Rəsm Qalereyası və Gənclər Şəbəkəsinin təşkilatçılığı ilə reallaşacaq.
Sənət Mərkəzi rəsm müsabiqəsi elan edib
Bakı Xətai Sənət Mərkəzi “Azərbaycanım” adlı ikinci respublika uşaq rəsm müsabiqəsi elan edib. Müsabiqə Mədəniyyət Nazirliyi, Azərbaycan Dövlət Rəsm Qalereyası, Təhsil Nazirliyi Respublika 2 nömrəli Uşaq-Gənclər İnkişaf Mərkəzi, Azərbaycan Televiziya və Radio Verilişləri Qapalı Səhmdar Cəmiyyəti, Xətai Rayon İcra Hakimiyyəti, Azərbaycan Rəssamlar İttifaqı və Xətai Sənət Mərkəzinin təşkilatçılığı ilə reallaşıb.
Vaqif Mustafazadəyə həsr olunmuş konsert - Muğam Mərkəzində
Beynəlxalq Muğam Mərkəzində V.Mustafazadə adına 2 saylı Uşaq İncəsənət Məktəbinin müəllim və şagird heyətinin konserti keçirilib. Olaylar.az bildirir ki, konsert Beynəlxalq Muğam Mərkəzi və Bakı Şəhər Mədəniyyət Baş İdarəsinin birgə təşkilatçılığı ilə keçirilmişdir . Beynəlxalq Muğam Mərkəzində caz və caz-muğam konsertləri tez-tez keçirilir. Türkiyə, ABŞ, Belçika, Fransa kimi ölkələrdən gələn ifaçılar Muğam Mərkəzinin səhnəsində uğurla çıxış ediblər.
Raquf Orucov haqqında roman çap olundu - FOTO
Əfsanəvi kəşfiyyatçı, Aprel şəhidi, polkovnik-leytenant Raquf Orucova həsr olunmuş “Komandir” romanı işıq üzü görüb. Aprel döyüşlərinin üçüncü ildönümü münasibəti ilə “CBC” nəşriyyatında çap olunan kitabın müəllifi Şərif Ağayardır.
Mədəniyyət Mərkəzində “Doğma diyar” adlı konsert
Bakı Şəhər Mədəniyyət Baş İdarəsinin təşkilatçılığı ilə Nardaran qəsəbə Mədəniyyət Mərkəzində sevilən müğənni Cəvahir Abdulovanın “Doğma diyar” adlı konserti təqdim edilib. Olaylar.az bildirir ki, konsert zamanı Cəvahir Abdulovanın rəngarəng musiqi nömrələri ilə çıxışı tamaşaçılar tərəfindən alqışlarla qarşılanıb.
“12-ci gecə, yaxud hər nə istəsəniz” növbəti dəfə nümayiş olunacaq
Aprelin 4-də Azərbaycan Dövlət Akademik Milli Dram Teatrında yeni tamaşalardan olan Uilyam Şekspirin “12-ci gecə, yaxud hər nə istəsəniz” əsəri əsasında hazırlanan eyniadlı tamaşa növbəti dəfə nümayiş ediləcək. Olaylar.az bildirir ki, tamaşanın quruluşçu rejissoru, rəssamı və musiqi tərtibatçısı Xalq artisti Azər Paşa Nemətov, rejissoru Anar Sadıqov, rejissor assistenti Ceyran Həsənli, vokal üzrə repetitoru Zeynəb Safina, video vizualizasiya rəssamları Fərid Əhmədov və Azər Süleymanovdur.
Opera və Balet Teatrının aprel repertuarı açıqlanıb
Azərbaycan Dövlət Akademik Opera və Balet Teatrının yaradıcı kollektivi bu ay tamaşaçıların görüşünə maraqlı səhnə əsərləri ilə gələcək. Olaylar.az sənət ocağının aprel ayı üçün nəzərdə tutduğu repertuarını təqdim edir: 3 aprel – “Paxita” (balet), “Şopeniana”
Azərbaycan kitabı Bolonya Beynəlxalq Uşaq Kitab Sərgisində
Azərbaycan Respublikasının Mədəniyyət Nazirliyinin təşkilatçılığı və Azərbaycan Respublikasının İtaliyadakı Səfirliyinin dəstəyi ilə Azərbaycan ilk dəfə olaraq bu il 1-4 aprel tarixində İtaliyanın Bolonya şəhərində keçirilən, 55 illik tarixə və beynəlxalq nüfuza malik Bolonya Beynəlxalq Uşaq Kitab Sərgisində təmsil olunur. Olaylar.az bildirir ki, Bolonya sərgisində 80 ölkədən uşaq ədəbiyyatı sahəsi üzrə naşirlər, kitab evləri, kitab yayıcıları, yazarlar və digər müvafiq qurumlardan ibarət 1400-ə yaxın iştirakçı qatılmışdır, ümumilikdə sərgiyə 28 000 nəfərdən artıq ziyarətçi axını gözlənilir.
“Bölgələrdən Bölgələrə” Yaradıcılıq Festivalı Ağstafa rayonunda
“Bölgələrdən Bölgələrə” Yaradıcılıq Festivalının növbəti dayanacağı Ağstafa rayonuna olub. Respublikamızın 16 regional mədəniyyət idarəsini əhatə edən rayon və şəhərlərin iştirakı ilə “Bölgələrdən Bölgələrə” Yaradıcılıq Festivalı Ağstafa rayonu Heydər Əliyev adına parkda Gənclər Mərkəzinin qarşısında baş tutub.
Ramiz Mirişli yaradıcılığı “Yaradanlar və yaşadanlar” layihəsində
Beynəlxalq Muğam Mərkəzində “Yaradanlar və yaşadanlar” layihəsi çərçivəsində keçirilən konsert bəstəkar, əməkdar incəsənət xadimi, Xalq artisti Ramiz Mirişlinin yaradıcılığına həsr olunmuşdu. Olaylar.az bildirir ki, tədbir Azərbaycan Televiziyası “Mədəniyyət” kanalının və Beynəlxalq Muğam Mərkəzinin birgə layihəsi çərçivəsində, Azərbaycan Respublikası Mədəniyyət Nazirliyinin dəstəyi ilə həyata keçirilmişdi.