Bryus Uillisin qızı cəzalandı

Məşhur aktyor, Hollivud ulduzu Bryus Uillisin qızının məhkəmə prosesi başa çatıb. Milli.Az TMZ-yə istinadən bildirir ki, Uillisin keçmiş arvadı, aktrisa Demi Murla nikahında anadan olmuş 20 yaşlı Skaut Uillis metroda pivə içərkən polislər onu tutmuşdu.Polislər ondan sənədləri istəyəndə Skkaut saxta şəxsiyyət vəsiqəsi göstərib. Buna görə saxlanmış Skaut həbsxanada bir gecə qalandan sonra buraxılmışdı.Manhetten Cinayət Məhkəməsi məşhur aktyorun qızını 2 sutka ictimai işlərdə çalışmağa məhkum edib.