"Forsaj" filminin çəkilişi dayandırıldı

Dünyada izlənilmə rekordları qıran "Forsaj" filminin 7-ci hissəsinin çəkilişləri dayandırılıb. Axşam.az xarici mətbuata istinadən xəbər verir ki, çəkiliş qrupunun rəhbəri bu haqda açıqlama yayıb. O bildirib ki, hazırda əsas vəzifələri bir neçə gün əvvəl avtomobil qəzasında həyatını itirən Pol Uolkerin yaxınlarına dəstək olmaqdır.
2014-cü ilin iyununda təqdim olunması planlaşdırılan kinonun çəkilişinin nə vaxt davam etdiriləcəyi isə məlum deyil.
Qeyd edək ki, Pol Uolker "Forsaj" filminin əsas qəhrəmanı olan "Brayan O'Konner" obrazını canlandırıb.