Fransa kanalı Azərbaycana veriliş həsr edib

Mədəniyyət və Turizm Nazirliyi ilə Fransanın "TV5 Monde" telekanalı arasında olan qarşılıqlı əməkdaşlıq çərçivəsində həmin telekanalın "ITINERIS" proqramının iki buraxılışı Azərbaycana həsr olunub. 
Belə ki, adıçəkilən kanalın əməkdaşları tərəfindən "Azərbaycan: Bakı və regionların irsi" adlı videoçarx hazırlanıb. İki hissədən ibarət olan videoçarxın ilk hissəsi artıq "TV5 Monde" telekanalında yayımlanıb. 13 dəqiqəlik bu videoçarxda Bakının tarixi-mədəni arxitekturaları, həmçinin, milli mətbəxi haqqında məlumat verilir. Proqramın Quba şəhərinə həsr olunacaq ikinci buraxılışı isə 5 dekabr tarixində yayımlanacaq. ("OLAYLAR"İA)