Muzeydə skripka sənəti tarixi ilə bağlı açıq dərs keçirildi

Milli Azərbaycan Tarixi Muzeyində skripka sənəti tarixinə həsr olunmuş açıq dərs keçirilib. Azərbaycan tarixçiləri ictimayi birliyinin idarə heyətinin sədri Namiq Rüstəmovun UNİSER fərdi məktəbinin şagirdləri ilə keçirdiyi açıq dərsdə skripka musiqi alətinin tarixi barədə danışılıb, skripkanın prototipi olan musiqi alətlərinin təsvirləri nümayiş olunub, Amati, Stradivari, Qvarneri kimi dahi ustalar haqqında ətraflı məlumatlar verilib. Həmçinin dərs zamanı Nikolo Paqaninin "24 №-li kapriz" musiqi əsəri dinlənilib. "OLAYLAR" İA.