Aysel “Danışan Gəlincik”i ifa etdi

Nigar, "OLAYLAR" İA. Gənc müğənni Aysel Əlizadə Gənc Tamaşaçılar Teatrında "Danışan gəlincik" tamaşasına daxil edilən mahnılardan birini ifa edib. Bəstəkarı əməkdar incəsənət xadimi Gövhər Həsənzadə olan mahnı lentə yazılaraq tamaşada səsləndirilib. Digər mahnını isə Aysel xanımın həmkarı Təranə Mahmudova oxuyub.

Qeyd edək ki, tamaşanın quruluşçu rejissoru Nicat Kazımovdur. Mahnının hazırlıq prosesində iştirak edən Gövhər xanım Ayselə dəstək olub. Sənətçi bəstəkarla işbirliyinin neçə il əvvələ söykəndiyini vurğulamaqla, bundan sonra davam edəcəyini bildirib. Onlar tamaşanın təqdimat mərasiminə birlikdə qatılıblar. "OLAYLAR" İA