Ledi Qaqa kosmosda konsert verəcək

Müğənni tarixə düşə bilər

Məşhur amerikalı müğənni Ledi Qaqa konserti kosmosdan yayımlanan ilk müğənni ola bilər. ANS PRESS-in RİA Novosti-yə istinadən verdiyi məlumata görə, müğənni mahnılarından birini 2015-ci ilin əvəlində Yer orbitində ifa etmək fikrindədir. Ledi Nyu-Meksikoda üçgünlük "Zero G Colony" festivalı zamanı "Virgin Galactic" kosmik uçuşa yollanmağı planlaşdırır.  Onun kosmosdakı çıxışı festivalın meydançasında yayımlanacaq. Kosmik çıxışından öncə müğənniyə xüsusi vokal məşqləri üçün bir ay lazımdır.