Gürcüstanda Qənirə Paşayevanın kitablarının təqdimatı olacaq

Gürcüstan Azərbaycanlılarının Mədəniyyət Mərkəzinin və Avrasiya Beynəlxalq Araşdırmalar İnstitutu İctimai Birliyinin təşkilatçılığı ilə millət vəkili Qənirə Paşayevanın müəllifi olduğu kitabların təqdimat və imzalanma mərasimi keçiriləcək. "OLAYLAR"-ın məlumatına görə, təqdimat mərasimi oktyabrın 24-də baş tutacaq. Tədbir Gürcüstanın Marneuli şəhərinin mərkəzində yerləşən "ATA Holdinq Mərkəzi"ndə keçiriləcək. Təqdimat-imzalanma mərasimində millət vəkili Qənirə Paşayevanın müəllifi olduğu "Məndən sonra...", "Səndən sonra...", "O..." "Dünyanı dəyişən alimlər", "Qənirə Paşayeva ilə addım-addım Türk dünyası", "Tarixə adını yazmış qadınlar" və digər kitabları təqdim olunacaq.