Tələbələrin tarixi abidələrə ekskursiyası təşkil olunacaq

Bakı Şəər Gənclər və İdman Baş İdarəsi gənclərin tarixi memarlıq abidələri ilə yaxından tanış olması, Azərbaycan tarixini dərindən öyrənməsi məqsədilə layihə həyata keçirir. Baş İdarədən "OLAYLAR"-a daxil olan məlumata görə, layihə çərçivəsində təhsildə fərqlənmiş ali və orta ixtisas təhsili müəssisələrinin tələbələrinin tarixi abidələrə səfərləri təşkil edilir. Layihə çərçivəsində ilk səfər oktyabrın 19-da "Qobustan Dövlət Tarixi Bədii Qoruğu"na baş tutacaq. Oktyabr 26 da isə tələbələr "Qala Dövlət Tarixi-Etnoqrafiya Qoruğu"na ekskursiya edəcəklər.