Zülfiyyənin verilişi əlindən alındı?

Aparıcı İTV-dən uzaqlaşdırıldı. Aşıq Zülfiyyənin İctimai Televiziyada aparcısı olduğu "Ozan" verilişi əlindən alınaraq Qorxmaz Tofiqoğluna verilib. 
Aşıq Zülfiyyənin verdiyi məlumata görə, bundan özünün də xəbəri olmayıb: "Mənə İTV-dən bildirdilər ki, tətillə əlaqədar bir müddət verilişlərin təkrarı yayımlanacaq. Biz də növbəti proqramların çəkilişini etmədik. Amma bir onda xəbər tutdum ki, veriliş başqasına verilib. Mənə də bu barədə televiziyadan telefon açıb xəbər verdilər. Düzü, bunun səbəbini özüm də anlamadım. Bu barədə rəhbərliyə müraciət edib, maraqlanmadım da. Çünki mən başqa xarakterli insanam". /Publika.Az/