Zəlimxan Yaqubdan yeni kitab
Xalq şairi Zəlimxan Yaqubun 13 cildlik əsərləri külliyyatının sonuncu - 13-cü cildi bu günlərdə işıq üzü görüb. Çoxcildliyi tərtib edən və redaktoru Musa Nəbioğlu bildirib ki, ilk 7 cilddə şairin müxtəlif mövzularda şeirləri, VIII-XI cildlərdə 40 poeması, XII-XIII cildlərdə isə Zəlimxan Yaqubun görkəmli ictimai-siyasi və dövlət xadimlərinə müraciətləri, məktubları, rəsmi dövlət tədbirlərindəki çıxışları və müxtəlif kütləvi informasiya vasitələrinə verdiyi müsahibələr, görkəmli ədəbiyyat və sənət adamlarına açıq məktubları, onlar haqqında xatirələri, ayrı-ayrı müəlliflərin kitablarına yazdığı ön söz və rəylər, ozan-aşıq sənəti ilə bağlı fikirləri və ictimai-siyasi həyatımızın digər sahələrinə həsr olunmuş aktual yazıları toplanmışdır.
Çoxcildlik "Şərq-qərb" nəşriyyatında böyük zövqlə, nəfis tərtibatda nəşr olunub.