Qazaxıstanlı qonaqlar Qəbələdə olub

Qazaxıstanın Baş nazirinin müavini Krımbek Kuşerbayevin başçılıq etdiyi nümayəndə heyəti Azərbaycana səfəri çərçivəsində  Qəbələ rayonunda bir sıra istehsal və emal müəssisələri, turizm obyektləri ilə tanış olub. Mədəniyyət və Turizm Nazirliyinin məlumatına görə,  qonaqlara rayonun sosial-iqtisadi inkişafı ilə bağlı görülən işlər və əldə edilən uğurlar barədə ətraflı məlumat verilib. Qeyd olunub ki, bu gün respublikamızda əldə edilən sosial-iqtisadi inkişafın bariz nümunəsini Qəbələ rayonunun simasında aydın görmək olar. Qəbələdə irimiqyaslı beynəlxalq tədbirlərin keçirilməsi bu diyarın füsunkar təbiətə malik olduğunu bir daha təsdiq edir. ("OLAYLAR"İA)