Kriminal
Bakıda ustalar sərxoş qadını zorladılar
Bakıda rus qadını zorlamaqda təqsirləndirilən 1990-ci ildə təvəllüdlü Camur İsmayılovun cinayət işi üzrə məhkəmə prosesi başa çatıb. Beyləqan rayon sakini Camur İsmayılov 2016-cı il sentyabrın 2-də, saat 13 radələrində qohumu Əşrəf Məmmədovla birlikdə tanışları Elnur Muxtarovun təklifi ilə Nizami rayonunda yaşayan rus əsilli yaşlı qadın Olyanın (ad şərtidir) evinə su kranını və su qızdırıcısını təmir etmək üçün gediblər.
Qadınları Dubaya aparan qız saxlandı
Sumqayıt şəhər sakini tərəfindən qadınları insan alverinə məruz qoyması müəyyən edilib. Daxili İşlər Nazirliyinin mətbuat xidmətindən verilən məlumata görə, İnsan Alverinə Qarşı Mübarizə Baş İdarəsi əməkdaşlarının keçirdikləri əməliyyat tədbirləri ilə Sumqayıt şəhər sakini Esmira Sadıxovanın gəlir əldə etmək məqsədi ilə qadınları BƏƏ-nin Dubay Əmirliyinə apararaq insan alverinə məruz qoyması müəyyən edilib.
Yazıçı Mövludun intihar səbəbinin ilkin ehtimalı açıqlandı
Martın 15-də saat 02 radələrində Binəqədi rayon sakini, "Teleqraf.com" agentliyinin redaktoru, 1989-cu il təvəllüdlü Abdullayev Mövlud İsmayıl oğlunun Binəqədi rayonu ərazisində işlədiyi agentliyin yerləşdiyi binanın 17-ci mərtəbəsindən özünü ataraq intihar etməsi faktına görə rayon prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.
“Rabitə işi”ndə məhkəmə tərkibinə etiraz edilib
Bu gün Bakı Ağır Cinayətlər Məhkəməsində Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov və digərlərinin cinayət işi üzrə məhkəmə prosesi davam etdirilib.
Bakıda şok hadisə: Kişi bir evdə bir-birindən xəbərsiz iki arvad saxladı
Bakıda Hollivud filmlərinə bənzər hadisə baş verib. Bakı şəhər sakini qeyri-rəsmi olaraq birlikdə yaşadığı Əfsanə adlı xanımı evə gətiriərək onu qonşulara və qohumlarına qulluqçu kimi qələmə verib. Hətta oğlanın anası və bacısı da qohumlara qız evin gəlini deyil, evlərinin qulluqçusu olduğunu bildiriblər. Bir müddətdən sonra qadın hamilə qalıb və bir qız övladı dünyaya gətirib. Sonradan oğlan başqa bir qadınla evlənərək rəsmi nikaha daxil olub. Bu qadın da bir müddət sonra dünyaya bir qız övladı gətirib. Yoldaşı, qayınanası və baldızı tərəfindən yeni gələn gəlinə də Əfsanənin evin qulluqçusu olduğu deyilir. Bu qadınla bütün ailə üzvləri çox pis rəftar edib, onu döyüb və qulluqçu kimi işlədiblər.
Azərbaycanlı nazir 3,7 milyon dollara azadlığa çıxdı
Korrupsiya işi üzrə araşdırmalar zamanı həbs olunan Ukrayna Dövlət Fiskal Xidmətinin (DFX) sabiq sədri, azərbaycanlı Roman Nəsirov 100 milyon qriven (3,7 milyon dollar) dəyərində girov qarşılığında azadlığa buraxılıb.
"ASAN xidmət"in adından "işdüzəldən" dələduz tutuldu
Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi və Baş Prokurorluğun yaydığı məlumata görə, Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin ("ASAN xidmət"in) adından istifadə edilməklə dələduzluq əməllərinin törədilməsi barədə Baş prokuror yanında Korrupsiyaya qarşı Mübarizə Baş İdarəsinə daxil olmuş müraciət araşdırılıb.
Cavanşir Feyziyevin kitabı qırğız dilində…
Milli Məclisin üzvü, Aİ-Azərbaycan Parlamentlərarası Əməkdaşlıq Komitəsinin sədri Cavanşir Feyziyevin “Türk Dövlətləri Birliyi: Qlobal inteqrasiyanın Avrasiya modeli” adlı kitabı Qırğızstan Respublikasında qırğız dilində nəşr olunub. Kitab Bişkek şəhərində fəaliyyət göstərən “Turar” nəşriyyatı tərəfindən çapdan çıxıb. Azərbaycanda 2014-cü ildə işıq üzü görmüş monoqrafiya həm ölkədə, həm də qardaş türk respublikalarında ciddi maraq doğurub.
Keçmiş MTN "agent"lərinin məhkəməsi başladı
Bu gün Bakı Ağır Cinayətlər Məhkəməsində dələduzluqda təqsirləndirilən Aygün Akimova və İlham Baxşıyevin cinayət işi üzrə məhkəmə prosesi başlayıb. Hakim Əlövsət Abbasovun sədrlik etdiyi iclasda təqsirləndirilən şəxslərin anket məlumatları dəqiqləşdirilib. İclasda A. Akimovanın vəkili onun ev dustaqlığına buraxılması barədə vəsatət verib. Zərərçəkmiş şəxslər və dövlət ittihamçısı vəsatətin təmin edilməməsini istəyiblər. Məhkəmə vəsatəti təmin etməyib.
Evdən qızıl aparan ələ keçib
İmişlidə oğurluq faktının üstü açılıb. DİN-dən verilən məlumata görə, İmişli RPŞ əməkdaşlarının keçirdikləri əməliyyat tədbirləri ilə martın 14-də rayon ərazisindəki evlərdən birindən 900 manat dəyərində qızıl əşyalar oğurlamaqda şübhəli bilinən Beyləqan rayon sakini Emin Abbasov tutulub.
Oğrunun digər əməlləri ifşa olundu
Oğurluq etməkdə şübhəli bilindiyinə görə tutulan Tural Abbasovun ətrafında Nizami (Gəncə) RPİ əməkdaşları tərəfindən aparılan əməliyyat tədbirləri ilə onun ötən il iyulun 11-də Gəncə şəhər sakinləri - əvvəllər məhkum olunmuşlar Ülvi Əliquliyev və Osman Həsənovla birgə şəhər ərazisindəki evlərdən birindən təmir-tikinti alətləri oğurlaması da müəyyən edilib. DİN-dən verilən məlumata görə, görülən tədbirlərlə Ü.Əliquliyev və O.Həsənov da tutulublar. Ətraflarında aparılan tədbirlərlə onların ötən il oktyabrın 16-dan cari il fevralın 4-dək olan müddətdə şəhər ərazisində 6 avtomobildən oğurluq etmələri də müəyyən edilib.
Bakı sakinindən tiryək və odlu silah götürülüb
Bakı şəhər sakinindən narkotik vasitə götürülüb. DİN-dən verilən mlumata görə, Nərimanov RPİ əməkdaşlarının keçirdikləri əməliyyat tədbirləri nəticəsində Bakı şəhər sakini Vasif Abbasovdan 4,726 qram tiryək, 8 ədəd 50 milliqramlıq tramadol, 1 ədəd 300 milliqramlıq pregavalin, 2 tropikamiddin polimer qabda olan maye, yaşadığı evə baxış zamanı isə 1 kiloqram 545 qram tiryək və nömrəsi silinmiş "Naqan" markalı tapança aşkar edilərək götürülüb.
Üzüyün barmaqda qalması FHN-i hərəkətə gətirdi
Fövqəladə Hallar Nazirliyinin Böhran Vəziyyətlərində İdarəetmə Mərkəzinə, Bakı şəhəri, Nəsimi rayonunda 1 nəfərin barmağında üzüyün sıxılaraq qalması barədə məlumat daxil olub. FHN-dən “Olaylar”a verilən məlumata görə, dərhal nazirliyin Xüsusi Riskli Xilasetmə Xidmətinin xilasediciləri hadisə yerinə cəlb olunaraq vətəndaşın barmağındakı üzüyü kəsib çıxararaq müvafiq köməklik göstəriblər. Əməliyyat saat 04:20-də başa çatıb.
Avtomobildə yük-müşayiət sənədlərində göstərilməyən mallar aşkar olunub
Balakən Gömrük İdarəsinin "Mazımçay" gömrük postunda Almaniya Federativ Respublikasından Azərbaycan Respublikasına sərbəst dövriyyə üçün gətirilən və Azərbaycan vətəndaşının idarə etdiyi "Mercedes-Benz" markalı yük nəqliyyat vasitəsində olan "Mercedes-Benz Sprinter" markalı avtomobilə gömrük baxışı keçirilib. Dövlət Gömrük Komitəsindən verilən məlumata görə, yoxlama zamanı, avtomobilin yük yerində gömrük orqanına bəyan olunmayan və yükün müşayiət sənədlərində göstərilməyən 49 adda yeyinti məhsullu, müxtəlif yuyucu vasitələr, spirtsiz içkilər və şirələr, dezodorantlar və 4 ədəd velosiped aşkar olunub.Faktla bağlı araşdırma aparılır.
Bakıda binada yanğın olub-ölən var
Bakıda tikilməkdə olan binada yanğın olub. “Olaylar” Fövqəladə Hallar Nazirliyinin rəsmi saytına istinadən məlumat verir ki, hadisə Xətai rayonu Babək prospektində tikilməkdə olan 16 mərtəbəli binanın 2-ci mərtəbəsində qeydə alınıb. Yanğın nəticəsində orada işləyən, Tovuz rayon sakini Muradxan Qarayev yanaraq ölüb.Fakta bağlı araşdırma aparılır.