Kriminal
Oğrunun digər əməlləri ifşa olundu
Oğurluq etməkdə şübhəli bilindiyinə görə tutulan Tural Abbasovun ətrafında Nizami (Gəncə) RPİ əməkdaşları tərəfindən aparılan əməliyyat tədbirləri ilə onun ötən il iyulun 11-də Gəncə şəhər sakinləri - əvvəllər məhkum olunmuşlar Ülvi Əliquliyev və Osman Həsənovla birgə şəhər ərazisindəki evlərdən birindən təmir-tikinti alətləri oğurlaması da müəyyən edilib. DİN-dən verilən məlumata görə, görülən tədbirlərlə Ü.Əliquliyev və O.Həsənov da tutulublar. Ətraflarında aparılan tədbirlərlə onların ötən il oktyabrın 16-dan cari il fevralın 4-dək olan müddətdə şəhər ərazisində 6 avtomobildən oğurluq etmələri də müəyyən edilib.
Bakı sakinindən tiryək və odlu silah götürülüb
Bakı şəhər sakinindən narkotik vasitə götürülüb. DİN-dən verilən mlumata görə, Nərimanov RPİ əməkdaşlarının keçirdikləri əməliyyat tədbirləri nəticəsində Bakı şəhər sakini Vasif Abbasovdan 4,726 qram tiryək, 8 ədəd 50 milliqramlıq tramadol, 1 ədəd 300 milliqramlıq pregavalin, 2 tropikamiddin polimer qabda olan maye, yaşadığı evə baxış zamanı isə 1 kiloqram 545 qram tiryək və nömrəsi silinmiş "Naqan" markalı tapança aşkar edilərək götürülüb.
Üzüyün barmaqda qalması FHN-i hərəkətə gətirdi
Fövqəladə Hallar Nazirliyinin Böhran Vəziyyətlərində İdarəetmə Mərkəzinə, Bakı şəhəri, Nəsimi rayonunda 1 nəfərin barmağında üzüyün sıxılaraq qalması barədə məlumat daxil olub. FHN-dən “Olaylar”a verilən məlumata görə, dərhal nazirliyin Xüsusi Riskli Xilasetmə Xidmətinin xilasediciləri hadisə yerinə cəlb olunaraq vətəndaşın barmağındakı üzüyü kəsib çıxararaq müvafiq köməklik göstəriblər. Əməliyyat saat 04:20-də başa çatıb.
Avtomobildə yük-müşayiət sənədlərində göstərilməyən mallar aşkar olunub
Balakən Gömrük İdarəsinin "Mazımçay" gömrük postunda Almaniya Federativ Respublikasından Azərbaycan Respublikasına sərbəst dövriyyə üçün gətirilən və Azərbaycan vətəndaşının idarə etdiyi "Mercedes-Benz" markalı yük nəqliyyat vasitəsində olan "Mercedes-Benz Sprinter" markalı avtomobilə gömrük baxışı keçirilib. Dövlət Gömrük Komitəsindən verilən məlumata görə, yoxlama zamanı, avtomobilin yük yerində gömrük orqanına bəyan olunmayan və yükün müşayiət sənədlərində göstərilməyən 49 adda yeyinti məhsullu, müxtəlif yuyucu vasitələr, spirtsiz içkilər və şirələr, dezodorantlar və 4 ədəd velosiped aşkar olunub.Faktla bağlı araşdırma aparılır.
Bakıda binada yanğın olub-ölən var
Bakıda tikilməkdə olan binada yanğın olub. “Olaylar” Fövqəladə Hallar Nazirliyinin rəsmi saytına istinadən məlumat verir ki, hadisə Xətai rayonu Babək prospektində tikilməkdə olan 16 mərtəbəli binanın 2-ci mərtəbəsində qeydə alınıb. Yanğın nəticəsində orada işləyən, Tovuz rayon sakini Muradxan Qarayev yanaraq ölüb.Fakta bağlı araşdırma aparılır.
Avtomobildə külli miqdarda siqaret aşkar edildi
Tovuz Gömrük İdarəsinin “Sınıq Körpü” gömrük postunun idxal nəzarəti zonasına Gürcüstan Respublikası istiqamətindən daxil olan Azərbaycan Respublikası vətəndaşının idarə etdiyi “Nazlifan LF7132/2-320” markalı nəqliyyat vasitəsinə gömrük baxışı keçirilib. Dövlət Gömrük Komitəsindən verilən məlumata görə, yoxlama zamanı avtomobilin ön və arxa buferlərinin altından, yük yerinin qabağında xüsusi düzəldilən yerdən və salonundan gömrük nəzarətindən gizlədilən, üzərində aksiz markası olmayan 6300 ədəd “Dubao” markalı siqaretlər aşkar edilib. Faktla bağlı araşdırma aparılır.
15 yaşlı qızını qətlə yetirən ata MƏHKƏMƏ QARŞISINDA
15 yaşlı qızını qətlə yetirməkdə təqsirləndirilən Nəsib Cabbarovun cinayət işi üzrə məhkəmə başlayıb.
Avtomobili qaçırıb satanlar ələ keçib
Masallı sakinləri Tahir Abdinov və Natiq Muradov avtomobil qaçırmaqda şübhəli bilindiklərinə görə saxlanıblar. DİN-dən verilən məlumata görə, tutulan Tahir Abdinovun və Natiq Muradovun ətraflarında Baş Cinayət Axtarışı İdarəsi, Masallı RPŞ və Biləsuvar RPŞ əməkdaşları tərəfindən aparılan tədbirlərlə onların Şamil Hüseynova məxsus qaçırdıqları “VAZ-2107” markalı avtomobili Cəlilabad şəhər sakini Fadil Fərziyevə satmaları müəyyən edilib. F.Fərziyevin yaşadığı evin həyətinə baxış zamanı qeyd edilən avtomobil aşkar edilərək götürülüb.
Keçmiş məhkumdan marixuana götürülüb
Bakı şəhər sakinində narkotik maddə aşkar edilib. DİN-dən verilən məlumata görə, Baş Narkotiklərlə Mübarizə İdarəsi və Binəqədi RPİ 40-cı PB-nin əməkdaşları tərəfindən Bakı şəhər sakini, əvvəllər məhkum olunmuş Elxan Əliyevdən 1,125 qram heroin və 16,199 qram marixuana, Sulutəbə qəsəbəsindəki evinə baxış zamanı isə 1 kiloqram 200 qram marixuana aşkar edilərək götürülüb.
Bərdədə kabel oğrusu saxlanıb
Martın 14-nə keçən gecə Bərdə rayonunun Alpoud və Tumaslı kəndləri ərazisində Rayon Telekommunikasiya Qovşağına məxsus 460 metr rabitə kabeli kəsilərək oğurlanıb, 400 metr hissəsi isə yararsız hala salınıb. DİN-dən “Olaylar”a verilən məlumata görə, Bərdə RPŞ əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Qarayusifli kənd sakini, əvvəllər məhkum olunmuş Arif Şıxməmmədov tutulub.
Dəm qazından zəhərlənmə hadisəsi ilə bağlı cinayət işi başlandı
Martın 15-də saat 12 radələrində Xırdalan şəhəri, 26-cı məhəllə, ev 6, mənzil 4-də 5 qadın meyitinin aşkar edilməsi ilə bağlı Abşeron rayon prokurorluğuna daxil olmuş məlumat əsasında prokurorluq və polis əməkdaşlarından ibarət istintaq-əməliyyat qrupu tərəfindən hadisə yerinə və meyitlərə məhkəmə-tibb ekspertinin işitirakı ilə baxış keçirilmişdir. Hadisə yerindən iş üçün əhəmiyyət kəsb edən maddi sübutlar, o cümlədən qaz sobası götürülmüş və digər zəruri prosessual hərəkətlər yerinə yetirilmişdir.
Qız qaçıran sürücü tutuldu
Martın 14-də saat 9 radələrində Şamaxı şəhəri ərazisində şəhər sakini, əvvəllər məhkum olunmuş Bilal Abdullayev idarə etdiyi “KİA” markalı avtomobillə yol hərəkəti qaydalarını pozduğuna görə həmin ərazidə xidmət aparan yol polisi əməkdaşı tərəfindən saxlanılıb.
Qadını öldürüb, cəsədini kanala atan kişi tutuldu
Martın 11-də Qax rayonunun Əlibəyli kəndindən keçən kanalda Zərdab rayon sakini, 35 yaşlı Gülnar İbrahimovanın meyiti tapılıb. “Olaylar” Daxili İşlər Nazirliyinə istinadən xəbər verir ki, DİN-in Baş Cinayət Axtarışı İdarəsi, Təhlükəsiz Şəhər Xidməti, Qax RPŞ, Mingəçevir ŞPŞ və Yevlax RPŞ əməkdaşları tərəfindən həyata keçirilən əməliyyat-axtarış tədbirləri ilə Yevlax rayon sakini, əvvəllər məhkum olunmuş Mayıl Məmmədovun həmin gün Mingəçevir şəhəri ərazisində G.İbrahimovanı “VAZ-2107” markalı avtomobilə oturdub Yevlax rayonunun Xaldan qəsəbəsinə, sonradan isə Qax rayonunun Əlibəyli kəndinə aparması və orada aralarında baş verən münaqişə zəminində boğaraq qətlə yetirməsi, cəsədini isə kanala atması müəyyən edilib. Görülən tədbirlərlə M.Məmmədov Yevlax rayonu ərazisində tutulub. Araşdırma aparılır.
Bakıda ikimərtəbəli ev yanıb
Bakıda yanğın hadisəsi qeydə alınıb. “Olaylar” Fövqəladə Hallar Nazirliyinin (FHN) saytına istinadən xəbər verir ki, şəhərin Yasamal rayonunda vətəndaşa məxsus ümumi sahəsi 300 m2 olan ikimərtəbəli, 8 otaqlı, taxta konstruksiyalardan ibarət evin 2-ci mərtəbəsində 3 otaq 100 m2 sahədə və 1-ci mərtəbəsində 2 otaq 80 m2 yanıb. Evin qalan hissəsi yanğından mühafizə olunub.Yanğın saat 04:30-da yanğınsöndürənlər tərəfindən söndürülüb.