Əcnəbilərin pulunu və telefonunu oğurlayan qadın tutulub

Əcnəbilərin pulunu və telefonunu oğurlayan qadın tutulub

Paytaxtın Səbail rayonunda mənzildən oğurluq edən qadın saxlanılıb.  Daxili İşlər Nazirliyinin Mətbuat Xidmətindən  verilən məlumata görə, Səbail Rayon Polis İdarəsinin 41-ci Polis Bölməsinə müraciət edən 2 xarici vətəndaş mayın 26-da Badamdar qəsəbəsində kirayədə yaşadıqları evdən onlara məxsus 2 ədəd mobil telefonun və 2000 ABŞ dollarının oğurlandığını bildiriblər. Bakı Şəhər Baş Polis İdarəsi və 41-ci Polis Bölməsi əməkdaşlarının keçirdikləri təxirəsalınmaz əməliyyat-axtarış tədbirləri nəticəsində oğurluğu törətməkdə şübhəli bilinən Oğuz rayon sakini Ş.Əmirova qısa müddətdə müəyyən edilərək saxlanılıb. Faktla bağlı araşdırma aparılır.