Azad Rəhimov Monakoya səfər edib

Gənclər və idman naziri Azad Rəhimov Monako Knyazlığına səfər edib. Nazirlikdən "OLAYLAR"-a verilən məlumata görə, səfərdə məqsəd Şahzadə II Albertin yüksək himayəsi ilə  öz işinə başlayan 7-ci "Sülh və idman" Beynəlxalq Forumunda iştirak etməkdir. Tədbir çərçivəsində dünyanın 100-dən artıq ölkəsindən 700-dən çox siyasi və idman liderləri, beynəlxalq təşkilatların rəhbərləri və elm sahəsinin nümayəndələri bir araya gələrək beynəlxalq idman əməkdaşlığının möhkəmləndirilməsi, idmana qoyulan sərmayənin artırılması və digər mühüm mövzular ətrafında müzakirələr aparacaqlar. Tədbirdə eyni zamanda Bakı 2015 Olimpiya Oyunları haqda da iştirakçılara məlumat veriləcək.