"Neftçi" "Terek"lə nə vaxt qarşılaşacaq?

Bakının "Neftçi" futbol klubunun Avstriyada keçirəcəyi daha bir yoxlama oyununun vaxtı məlum olub. Siasport.az saytı xəbər verir ki, "ağ-qaralar" Rusiyanın "Terek" klubu ilə iyulun 9-da qarşılaşacaqlar. Bakılıların Qroznı təmsilçisi ilə qarşılaşacağı əvvəlcədən bilinsə də, tarix yalnız indi müəyyənləşib. Əvəzində "Neftçi"nin "Terek"in hansı heyəti ilə qarşılaşacağı bilinmir. Belə ki, rusiyalılar həmin gün 2 heyətlə 2 fərqli matç keçirəcək. Komandanın bir heyəti Azərbaycan çempionu ilə qarşılaşacaqsa, digəri "Xəzər Lənkəran"ın Avropa Liqasının II təsnifat mərhələsindəki potensial rəqibi İsrail "Makkabi"sini (Hayfa) sınağa çəkəcək.