"Monako" "Barsa"nın ürəyini almaq istəyir

Fransanın "Monako" klubunun yeni transfer hədəfləri bəlli olub. Qol.Az-ın məlumatına görə, bunlar "Barselona"dan ayrılan Erik Abidal və "Nyukasl"dan Yoan Kabaydır.
 Klubun vitse-prezidenti Vadim Vasilyev Fransa mətbuatına açıqlamasında hər iki oyunçu ilə maraqlandıqlarını təsdiqləyib: "Kabay çox qabiliyyətli futbolçudur. Abidal isə əgər Fransaya dönərsə, hər kəs sevinəcək".

Qeyd edək ki, Abidal son açıqlamalarının birində futbolçu karyerasını "Monako"da başa vurmaq istədiyini deyib.