“Çelsi” Kavaninin keçidinə görə 40 milyon avro və Torresi təklif etməyə hazırdır

İngiltərənin "Çelsi" klubu İtaliyanın "Napoli" klubu ilə Edinson Kavaninin keçidi ilə bağlı danışıqları davam etdirir. Trend-in məlumatına görə, bu barədə çərşənbə axşamı "GOAL.com" saytı xəbər yayıb.
London təmsilçisi oyunçunun müqaviləsində göstərilən 63 milyon avro məbləği ödəmək niyyətində deyil. "Çelsi" Kavaninin keçidinə görə "Napoli"yə 40 milyon avro və hücumçu Fernando Torresi təklif edib.
Danışıqlar davam etdirilir.