“Beşiktaş” antirekord qırdı

Olaylar İA Türkiyə mətbuatına istinadən xəbər verir ki, türkiyə super liqasında mövsümü məğlubiyyətlə başa vuran "Beşiktaş" bu mövsüm 49 top buraxaraq özünü rekordunu qırıb. Liqanı 58 xalla 3-cü yerdə başa vuran  "Qara qartallar" daha əvvəl 2000-2001-ci illər mövsümündə qapısından 48 top buraxıb.

Qeyd edək ki, üç böyük arasında ən çox top buraxma rekordu "Fənərbaxça"ya məxsusdur. "Fənərbaxça" 1990-1991-ci illər mövsümündə qapısından 30 oyunda 53 qol buraxıb. "Qalatasaray" isə ən çox 2003-2004-cü illər mövsümündə qapısından 34 oyuna 47 top buraxıb.