Kaxaber Tsxadadze: "Bu, əhəmiyyətsiz oldu”

"Lənkəranda oynamaq həmişə xoşdur. Stadiona toplaşan çoxsaylı azarkeşlər oyuna yaraşıq qatırlar". Siasport.az saytının məlumatına görə, bu sözləri Topaz Premyer Liqasının XIX turu çərçivəsində keçirilən "Xəzər Lənkəran" - "İnter" (2:3) matçından sonra paytaxt təmsilçisinin baş məşqçisi Kaxaber Tsxadadze deyib. Mütəxəssis rəqibin boşluqlarından istifadə etdiklərini vurğulayıb: "Oyuna yaxşı başladıq, ilk qolu asanlıqla vurduq. Əks-hücumlarda çox oynadıq, rəqibin boşluqlarından istifadə etdik. Hesabda irəli olduqdan sonra "Xəzər Lənkəran" uzun ötürmələrlə oynamağa başladı, lakin, bu, əhəmiyyətsiz oldu".