AFFA problemlərdən çıxış yollarını klubların rəhbərliyi ilə müzakirə edəcək

Dekabrın 25-də, saat 11:00-da, Azərbaycan Futbol Federasiyaları Assosiasiyasının inzibati binasında baş katib Elxan Məmmədov və Peşəkar Futbol Liqasının prezidenti Ramin Musayevin Premyer Liqada çıxış edən klubların rəhbərliyi ilə görüşü keçiriləcək.
Trend AFFA-ya istinadən məlumat verir ki, görüşün məqsədi Azərbaycan Premyer Liqasında mövcud vəziyyətin müzakirəsi, problemlərdən çıxış yolları barədə fikir mübadiləsinin aparılmasıdır.

Görüş mətbuat üçün qapalı olacaq.