"Simurq" qələbəni son anda əldən verdi

Bu gün Azərbaycan Premyer Liqasında XVI turun növbəti oyunları keçirilir.
Trend-in məlumatına görə, Zaqatalanın "Simurq" klubu doğma meydanda "Xəzər Lənkəran"ı qəbul edib. Oyunda ilk qol meydan sahiblərindən gəlib. Murad Səttarlı 16-cı dəqiqədə hesabı açıb. 48-ci dəqiqədə "Xəzər Lənkəran"ın heyətində Ruslan Abışov qırmızı vərəqə alaraq meydanı tərk edib.

67-ci dəqiqədə Marçin Burxardt hesabı 2:0-a çatdırıb. 72-ci dəqiqədə Elnur Abdullayev hesab arasındakı fərqi azaldıb (2:1). Oyuna əlavə olunan dəqiqələrdə isə Dmitrios Sialmas lənkəranlıları məğlubiyyətdən xilas edən qola imza atıb (2:2).