Tehran stadionunda “Yaşasın Türkiyə” şüarı

“Traktor” futbolçuları molla rejiminə etiraz ediblər

İran çempionatında çıxış edən Təbrizin "Traktor" klubu ilə "Persopolis" klubu qarşılaşıb. Tehranın "Azad" stadionunda baş tutan qarşılaşma 1-0 hesabı ilə Təbriz klubunun xeyrinə başa çatıb. Oyunun Türkiyənin Tehrandakı səfiri də izləyirmiş. Kanadada yaşayan Milli Hərəkatın liderlərindən biri Hüseyn Türkellinin "OLAYLAR"a verdiyi məlumata görə, bu xəbəri eşidən azarkeşlər "Yaşasın Türkiyə" şüarını səsləndiriblər. Futbolçular isə molla rejiminin Güney Azərbaycandakı zəlzələ qurbanlarına laqeyd münasibətinə etiraz olaraq köynəklərini çıxarıbar. Vəzyiyyətin gərgin olduğunu görən ETTELAAT məmurları səfridən stadionu tərk etməyi tələb ediblər.