AFFA "Xəzər Lənkəran"ın qapıçısını qismən əfv etdi

Bu gün AFFA-nın Apellyasiya və Ekspert Komitəsinin iclası keçirilib. İclasda "Xəzər Lənkəran" FK-nın müraciətinə baxılıb.
Müzakirələrdən sonra AFFA İntizam Komitəsinin "Xəzər-Lənkəran" FK-nın qapıçısı Kamal Bayramov barədə qərarı qismən dəyişdirilib. Qapıçı Kamal Bayramov intizam tədbiri olaraq 1 oyunluq kənarlaşdırılıb, digər 2 oyunluq cəzadan isə 6 aylıq sınaq müddəti tətbiq edilməklə azad olunub.

6 aylıq sınaq müddəti ərzində Kamal Bayramov analoji hərəkətlərə yol verəcəyi təqdirdə, ona təyin olunmuş intizam tədbiri hazırkı azad olunmuş cəzaya əlavə olunacaq.