Saatlıda müəllim və 8 şagird dəm qazından zəhərlənib - Vəziyyətləri AÇIQLANDI

Xəbərlərimizi "WhatsApp" kanalımızdan oxuyun

Dekabrın 18-də saat 11:00 radələrində Saatlı Rayon Mərkəzi Xəstəxanasına kütləvi zəhərlənmə ilə bağlı çağırış daxil olub.

Olaylar.az xəbər verir ki, bu barədə TƏBİB-dən bildirilib.

Bildirilib ki, Tibb müəssisəsinin Təcili tibbi yardım şöbəsinə 9 nəfər yerləşdirilib. Onlara dəqiqləşdirilməmiş dəm qazı zəhərlənməsi diaqnozu qoyulub.

Zərərçəkənlərin müalicələri davam etdirilir. Vəziyyətləri stabil qiymətləndirilir.

Qeyd edək ki, Saatlıda 8 məktəbli mikroavtobusda dəm qazından zəhərlənib. Hadisə Saatlının Qaranuru kəndində baş verib. Məktəbliləri dərsə aparan mikroavtobusda dəm qazının sızması baş verib.