Partlayıcı hazırlamaqda şübhəli bilinən yeniyetmə saxlanılıb

Yaroslavl vilayətində qanunsuz partlayıcı maddələr hazırlamaqda şübhəli bilinən 16 yaşlı yeniyetmə saxlanılıb. 

Olaylar.az xəbər verir ki,  yeniyetmə kimyəvi maddələr əldə edib və müstəqil şəkildə partlayıcı maddə - aseton triperoksid hazırlayıb, sonradan onu qanunsuz olaraq yaşadığı yerdə - Kamenki kəndində saxlayıb.

Materiallar Rusiya FTX-nin regional idarəsi tərəfindən istintaq orqanlarına təqdim edilib. Rıbinsk vilayətinin 16 yaşlı sakininə qarşı Rusiya Federasiyası Cinayət Məcəlləsinin 223.1-ci maddəsi ("Partlayıcı maddələrin qanunsuz istehsalı, saxlanması"), və Rusiya Federasiyası Cinayət Məcəlləsinin 222.1-ci maddəsi ("Odlu silah və döyüş sursatının qanunsuz saxlanması") ilə cinayət işi açılıb.