Salyanda motosiklet aşdı, beş yaşlı qız öldü

Salyanda yol-nəqliyyat hadisəsi baş verib.

Olaylar.az xəbər verir ki, bu barədə Daxili İşlər Nazirliyi məlumat yayıb.

Bildirilib ki, noyabrın 24-də saat 17:00 radələrində rayonunun Cəngən kəndi ərazisində kənd sakini T.Salmanov idarə etdiyi "Muravey" markalı motosikleti aşırıb və nəticədə sərnişini olan beş yaşlı qızı hadisə yerində ölüb.

Faktla bağlı Salyan Rayon Polis Şöbəsi tərəfindən araşdırma aparılır.