Prokurorluq 100 iş üzrə ittiham aktını istintaqa qaytarıb

Baş Prokurorluq tərəfindən prokurorluq orqanlarının fəaliyyətini əks etdirən rəqəmlər barədə kütləvi informasiya vasitələri və sosial şəbəkələrdə ictimailəşdirilən günün rəqəmi 100-dür. Bu barədə qurumun mətbuat xidmətindən verilən məlumatda bildirilib. Qeyd edilib ki, 2021-ci ilin yanvar-avqust ayları ərzində respublikanın istintaq (təhqiqat) qurumları üzrə ibtidai araşdırmaya prosessual rəhbərliyi həyata keçirən prokurorlar tərəfindən 100 iş üzrə ittiham aktı təsdiq edilməyərək istintaqın davam etdirilməsi üçün geri qaytarılıb.