İran “Traktor”-un oyunlarından narahat olmağa başlayıb

GAMOH-dan "OLAYLAR"-a verilən məlumata görə, Asiya çempionatında Güney Azərbaycanın "Traktor" komandası ilə "Əl-İttihad" klubu arasında keçiriləcək oyunda azarkeşlərə 70 000 İran bayrağı paylanılacaq. Bayraqların İranın hakimiyyət qurumları tərəfindən paylanacağı bildirilir. Keçən ilə "Traktor"-un keçirdiyi oyunlarda "Azərbaycan İran deyil" plakatları rejim tərəfindən ciddi narahatlıqla qarşılanıb. Hakimiyyət işini təminata almaq üçün bu cür addım atmaq niyyətindədir. GAMOH-dan bildirilir ki, azarkeşlərə paylanılması üçün Azərbaycanın öz bayrağı var. "Traktor" azarkeşləri stadiona Güney Azərbaycanın mübarizə və Azərbaycan Respublikasının bayrağı ilə çıxacaqlar. ("OLAYLAR" İA)