Azərbaycanlı tələbə tutulub

Azərbaycan milli kimliyi uğrunda dinc mübariz, tələbə fəal Vəhid Məsuminin tutulduğu bəlli olub. "Media forum" saytının məlumatına görə, İran Kəşfiyyat Nazirliyinin (ETTELAAT) Təbriz şöbəsinin əməkdaşları fevralın 14-də Vəhid Məsumini və yataqxanada onunla birlikdə qalan daha bir neçə azərbaycanlı tələbəni tutub. Fəalın noutbuku, diskləri, fləş-kartı, kitabları, əlyazmaları və daha bir sıra əşyaları götürülüb.
Azərbaycanlı tələbələr fevralın 14-də Təbrizin "Tiraxtur" futbol komandasının Kirmanda bu şəhərin "Mis" komandasına qalib gəlməsi münasibətilə keçirilən şənliklərdən bir neçə saat sonra tutulublar. Onların konkret nədə günahlandırıldığı bilinmir.