Milli fəalların həyatı təhlükə altındadır

"southernazerbaijan.com"-un verdiyi məlumata görə, İran hakimiyyəti Güney azerbaycanlı Milli Hərəkat lideri Doktor Araz Həsənlini ağır əmək düşərgəsində saxlayır. Təbriz həbsxanasının orta əsr tipli əmək düşərgəsində saxlanılan A.Həsənli gündə 10-12 saat ağır işlərdə çalışmağa məcbur edilir və davamlı şəkildə ağır təzyiq və təhqirlərə məruz qalır. Saytın verdiyi məlumata əsasın, həbsxananın vəziyyəti olduqca dözülməzdir. Məhbusların 75%-i beton döşəmədə yatırdılır. Həbsxana bit-birə, siçan və siçovullarla doludur. Təhlükəli cinayətkarlarla bir kamerada saxlanılan A.Həsənli ilə yanaşı digər milli fəallarımız Yürüş, Savalan, Behbud və Mahmudun da həyatları təhlükə altındadır. ("OLAYLAR" İA)