Azərbaycanlı qadın siyasi fəal həbsdən azad olundu

Elçin Hatəmi: “Heç bir maneə yaradılmasa, Şəbnəm kimi qardaşı Fərzad da azadlığa buraxılacaq”

Hüquq müdafiəçisi Elçin Hatəminin "OLAYLAR"a verdiyi məlumata görə, azərbaycanlı siyasi məhbus Şəbnəm Mədədzadə Tehranın Evin həbsxanasından 5 il həbs müddətindən sonra azadlığa buraxılıb. E.Hatəmi bildirib ki, Ş.Mədədzadə qardaşı Fərzad Mədədzadə ilə birlikdə 2009-cu ilin 19 fevralında Tehranda həbs ediliblər. Azərbaycanlı bacı və qardaş İnqilab Məhkəməsi tərəfindən İran hakimiyyətinə qarşı fəaliyyət göstərmək ittihamı ilə 5 il müddətinə həbs cəzasına məhkum olunublar. E.Hatəmi qeyd edib ki, heç bir maneə yaradılmasa, Şəbnəm kimi qardaşı Fərzad da azadlığa buraxılacaq. ("OLAYLAR" İA)