İranda iri müəssisənin işçiləri etiraz aksiyası keçirdi

İranın Kərəc şəhəri yaxınlığında yerləşən və təkər istehsalı ilə məşğul olan "İran Tire" zavodunun 400-dən çox işçisi bu gün səhər müəssisənin qarşısında etiraz aksiyası keçirib.

Bu barədə İLNA agentliyi  xəbər verir. Məlumata əsasən, zavodun işçiləri həmkarlarından 80 nəfərin işdən çıxarılmasına etiraz əlaməti olaraq tətil edirlər.

Etirazçılar bildirirlər ki, zavod rəhbərliyi maliyyə problemi və əsas materialların çatışmazlığını bəhanə gətirməklə işçilərin sayını mərhələli şəkildə azaltmaq istəyir. İşçilər qeyd edirlər ki, bu gün 80 nəfər işdən çıxarılıb. Həmin işçilərin bəziləri 15 il idi zavodda çalışırdı.

Etirazçılar işdən çıxarılan həmkarlarının işə qaytarılmasını tələb edirlər. Trend